سشانت سنگھ راجپوت کی خودکشی کے معاملہ کو لے کر ایک مہینہ کے بعد اداکارہ ریا چکرورتی نے وزیر داخلہ امت شاہ سے اس معاملہ میں سی بی آئی جانچ کا مطالبہ کیا ہے ۔ ریا چکرورتی نے خود کو سشانت سنگھ راجپوت کی گرل فرینڈ کہتے ہوئے یہ کہا کہ وہ جاننا چاہتی ہیں کہ آخر وہ کون سے دباو تھے ، جنہوں نے سشانت سنگھ کو ایسا قدم اٹھانے پر مجبور کیا ۔
خیال رہے کہ دو دن پہلے ہی ریا چکرورتی نے پہلی مرتبہ اس پورے معاملہ پر بولتے ہوئے سوشل میڈیا پر سشانت کیلئے ایک پوسٹ لکھی تھی ۔ ریا نے کچھ دیر پہلے کئے ٹویٹ میں لکھا : قابل قدر امت شاہ سر ، میں ریا چکرورتی ، سشانت سنگھ راجپوت کی گرل فرینڈ ، ان کی اچانک ہوئی موت کو اب پورا ایک ماہ ہوچکا ہے ۔ مجھے حکومت پر پورا بھروسہ ہے ، پھر بھی میں انصاف کی امید کرتے ہوئے اپنے ہاتھ جوڑ کر آپ سے اس معاملہ کی سی بی آئی جانچ کی مانگ کرتی ہوں ۔