ایران کی وزارتِ خارجہ نے کہا ہے کہ امریکہ کے تازہ حملوں نے دونوں ممالک کے درمیان جنگ بندی کو ’عملاً بے معنی‘ بنا دیا ہے۔ ادھر پاکستان کے دفتر خارجہ کے ترجمان نے ہفتہ وار بریفنگ میں کہا ہے کہ پاکستان ایران اور امریکہ مذاکرات کے حوالے سے اب بھی پرامید ہے۔ اسلام آباد کے مطابق پاکستان مختلف فریقین کے ساتھ رابطے میں ہے اور سفارت کاری کے لیے گنجائش کم ہونے کے باوجود مثبت کوششیں جاری ہیں۔
ایران کی وزارتِ خارجہ نے کہا ہے کہ امریکہ کے تازہ حملوں نے دونوں ممالک کے درمیان جنگ بندی کو ’عملاً بے معنی‘ بنا دیا ہے۔
ایک بیان میں وزارت نے امریکہ کی جانب سے کیے گئے ’غیر قانونی اور مجرمانہ حملوں‘ کی شدید مذمت کی اور کہا کہ یہ اقوام متحدہ کے منشور اور بین الاقوامی قانون کے بنیادی اصولوں کی خلاف ورزی ہیں۔
بیان میں مزید کہا گیا ہے کہ اس کشیدگی میں اضافے کے نتائج کی ذمہ داری امریکی قیادت پر عائد ہو گی۔
یہ بیان اس وقت سامنے آیا ہے جب امریکی سینٹرل کمانڈ نے کہا کہ اس نے بدھ کے روز جنوبی ایران میں فوجی، نگرانی اور ریڈار تنصیبات کو نشانہ بناتے ہوئے ’حق دفاع‘ کے تحت حملوں کی ایک نئی لہر مکمل کی ہے۔
ادھر ایران نے بھی حملے کیے جن میں بحرین، کویت اور اردن میں پورے خطے میں پھیلے امریکی فوجی اثاثوں کو نشانہ بنایا گیا