کورونا وائرس سے بچنے کے لیے ایک ایپ تیار کیا گیا ہے جو لوگوں کے لیے انتہائی مفید ثابت ہو سکتا ہے۔ اس کورونا وائرس ٹریکر ایپ کو ‘کورونا کوَچ’ (Corona Kavach) نام دیا گیا ہے۔ لوگوں کے تحفظ کے لیے بنائے گئے اس ایپ سے کورونا کے تعلق سے ضروری جانکاری حاصل کی جا سکتی ہے اور اس کے اثرات کا پتہ بھی لگایا جا سکتا ہے۔
اس ‘کورونا کوَچ’ ایپ کی خاص بات یہ ہے کہ ایپ کے ذریعہ صارف کے اسمارٹ فون ڈاٹا کو ان کی لوکیشن کی مدد سے ٹریک کیا جا سکے گا۔ اگر صارف کسی انفیکشن والے مریض کے رابطہ میں آیا ہے یا آس پاس رہا ہے تو اسے الرٹ کر دیا جائے گا۔ اس کے علاوہ صارف کو انفیکشن کی رینج کے بارے میں آگاہ کیا جائے گا تاکہ وہ اس کے مطابق قدم اٹھا سکے۔
اس ایپ کو اینڈروئیڈ صارف گوگل پلے اسٹور سے ڈاؤن لوڈ کر سکتے ہیں۔ لیکن آپ یہ بھی جان لیں کہ فی الحال یہ ایپ بیٹا اسٹیج میں ہے اور اس کے سبھی فیچر ٹیسٹ کیے جا رہے ہیں۔ اس ایپ کے آفیشیل ڈسکرپشن میں لکھا ہوا ہے کہ اس ایپ کا مقصد لوگوں کو کورونا وائرس کے بارے میں جانکاری مہیا کرنا اور ڈاٹا جمع کرنا ہے।