مخصوص طبقے کے خلاف زہر افشانی، فسادات کروانے کا ارادہ۔ 

فسادات کے ماسٹر مائنڈ ملند ایکبو ٹے کے خلاف مستقل کاروائی کی جائے۔۔۔۔ انجم انعامدار

ملند ایکبو ٹے پچھلے کئی سالوں سے مسلم مخالف جذبات کے ساتھ کام کر رہے ہیں ، اگر ہم اس شخص کی گذشتہ 30 سالوں کی تاریخ پر نظر ڈالیں تو یہ بات واضح ہے کہ وہ پونے ضلع اور مہاراشٹر میں ہندو اور مسلم فسادات کا سبب بن رہا ہے۔ وائی، ستارا اور بھیما کورے گاؤں کے فرقہ وارانہ فسادات میں بھی اس کا بڑا ہاتھ ہے۔ پونے کے مول نیواسی منچ کے صدر اور سماجی جہد کار انجم انعامدار نے ہمارے نمائندے سے کہا کہ وہ ہمیشہ چھترپتی شیواجی مہاراج کی غلط تاریخ بتا کر مسلمانوں کو نشانہ بناتا ہے اور ہندوؤں کو مسلمانوں کے خلاف اکسانے کا کام کرتا ہے۔

سماجی جہد کار انجم انعامدار نے مطالبہ کیا کہ پولیس، بھیما کورےگاؤں فسادات،سانگلی،میرج فسادات کے ماسٹر مائنڈ ملند ایکبو ٹے کے خلاف مستقل کاروائی کرنی چاہئے۔_________

فرقہ پرست اور فسادیوں کے خلاف فوری کارروائی ہو۔۔ حسین دلوائی

سمست ہندو آگھاڑی کے ورکنگ صدر ملند ایکبوٹے نے ایک بار پھر پونے کے علاقے کونڈوا میں مسلمانوں پر توہین آمیز حملہ کیا ہے اور سما جی اتحاد کو تقسیم کرنے کی کوشش کی ہے۔ اس سلسلے میں ، سمھباجی بریگیڈ کے نائب صدر ،ستیش کالے اور بریگیڈ کے دیگر ممبروں نے پونے کے کونڈھوا پولیس اسٹیشن میں شکایت درج کروائی ہے۔ ملند ایکبوٹے اور سمبھا جی بھیڈے ہمیشہ ہی سماج میں عدم اطمینان پیدا کرنے اور فساد پھیلانے کی کوشش کرتے ہیں۔اس واقعے کے انکشاف ہونے کے بعد بھی حکومت نے کوئی کارروائی نہیں کی جب سانگلی ، میرج ، ستارا میں وائی اور بھیما-کوریگاؤں فسادات میں یہ دونوں براہ راست اس کیس میں ملوث تھے۔یہ بات کہتے ہوئے مہاراشٹر کے سابق وزیر اور کانگریس قائد حسین دلوائی نے ایک پریس نوٹ کے ذریعے مطالبہ کیا ہے کہ شرجیل عثمانی کے حوالے سے حکومت کو صحیح فیصلہ کرنا چاہئے ، کسی کی مدد کرنے کی ضرورت نہیں ہے لیکن انصاف کے بارے میں یکساں رویہ اختیار کرنا بہت ضروری ہے۔ سابق رکن پارلیمنٹ دلوائی نے مطالبہ کیا کہ مہاراشٹرا حکومت پونے میں پیش آنے والے واقعے کے حوالے سے کارروائی کرے۔ اُنہوں نے کہا کہ ایسا لگتا ہے کہ مہاراشٹر میں ہر روز فسادات پیدا کرنے کے لئے بہت کوششیں جاری ہیں۔لیکن مہاویکاس آ گھاڈی حکومت کے قیام کے ساتھ ہی اُنہیں کچھ کو مشکلات کا سامنا کرنا پڑا ہے۔ ایک ہی وقت میں ، سمھاجی بریگیڈ ، مراٹھا سیوا سنگھ جیسی تنظیموں کی تعریف کی جانی چاہئے کہ انہوں نے بر وقت فرقہ پرستوں کے خلاف اواز اٹھا کر اُن کے خلاف پولیس کارروائی بھی کر رہے ہیں۔ اس ضمن میں مہاراشٹر کے وزیر داخلہ انیل دیشمکھ کو بھی سابق ممبر پارلیمنٹ حسین دلوائی نے خط لکھا ہے۔