عالمی کپ LIVE: نیوزی لینڈ نے ٹاس جیتا، پاکستان کی پہلے گیندبازی

ٹاس جیت کر نیوی لینڈ کا پہلے بلے بازی کا فیصلہ

عالمی کپ میں نیوزی لینڈ نے پاکستان کے خلاف ٹاس جیت لیا ہے اور پہلے بلے بازی کرنے کا فیصلہ کیا ہے۔ نیوزی لینڈ اگر یہ میچ جیت جاتا ہے تو وہ سیمی فائنل میں مقام حاصل کر لے گا جبکہ پاکستان کو سیمی فائنل کے سفر کے لئے اپنی امیدیں برقرار رکھنی ہیں تو اسے یہ میچ ہر حال میں جیتنا ہوگا۔

اس میچ کے لئے دنوں ٹیموں نے کوئی تبدیلی نہیں کی ہے۔

ٹیمیں اس طرح ہیں

پاکستان: سرفراز خان (وکٹ کیپر، کپتان)، فخرالزماں، امام الحق، بابر اعظم، محمد حفیظ، حارث سہیل، شاداب خان، عماد وسیم، شاہین آفریدی، وہاب ریاض، محمد عامر۔

نیوزی لینڈ: مارٹن گپٹل، کولن منرو، کین ولیمسن (کپتان)، روس ٹیلر، ٹام لاتھم، جمی نیشم، کولن ڈی گرانڈہوم، میٹ ہینری، لاکی فرگیوسن، مشیکل سینٹنر، ٹرینڈ بولٹ۔

عالمی کپ: میدان گیلا ہونے کی وجہ سے پاکستان-نیوزی لینڈ میچ کے ٹاس میں تاخیر

لندن: عالمی کپ 2019 میں پاکستان کے لئے ’کرو یا مرو‘ اور نیوزی لینڈ کے لئے سیمی فائنل کی راہ ہموار کرنے کے موقع والے میچ میں شروع ہونے سے قبل ہی بارش نے اپنا کھیل دکھا دیا ہے۔ یہاں ایج بیسٹن کے میدان پر پِچ گیلا ہونے کی وجہ سے اس میچ کے ٹاس میں بھی تاخیر ہو گئی ہے۔

سیمی فائنل میں پہنچے کے لئے پاکستان کو اب اپنے بقیہ تمام میچوں کو جیتنا ہوگا۔ پاکستان نے اپنے گزشتہ مقابلہ میں جنوبی افریقہ کو شکست دی تھی۔ ادھر نیوزی لینڈ کی ٹیم اب تک اس ٹورنامنٹ میں ایک بھی میچ نہیں ہاری ہے۔ اپنے گزشتہ میچ میں اس نے ویسٹ انڈیز کو ہرایا تھا۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-