اہم خبر: ڈیرک او برائن کی قیادت میں 4 رکنی پارلیمانی وفد آج جائے گا سون بھدر

ڈیرک او برائن کی قیادت میں 4 رکنی پارلیمانی وفد آج سون بھدر کر کرے گا دورہ

ترنمول کانگریس رکن پارلیمنٹ ڈیرک او برائن کی قیادت میں ترنمول کانگریس کا چار رکنی پارلیمانی وفد آج سون بھدر کا دورہ کرے گا۔ اس دورے کو کافی اہم تصور کیا جا رہا ہے کیونکہ ابھی تک کانگریس جنرل سکریٹری پرینکا گاندھی کو سون بھدر مہلوکین کے کنبہ سے ملنے نہیں دیا گیا ہے اور انھیں حراست میں چنار گیسٹ ہاؤس میں رکھا گیا ہے۔ اب دیکھنے والی بات یہ ہوگی کہ یو پی پولس ڈیرک او برائن کی ٹیم کو سون بھدر جانے سے روکتی ہے یا نہیں۔ واضح رہے کہ گزشتہ 17 جولائی کو اراضی تنازعہ میں 10 لوگ مارے گئے تھے۔

پرینکا گاندھی نے چنار گیسٹ ہاؤس میں گزاری رات، یوگی حکومت کے سامنے نہ جھکنے کا عزم

کانگریس جنرل سکریٹری پرینکا گاندھی نے جمعہ کی رات چنار گیسٹ ہاؤس میں زیر حراست گزار دی اور کہا کہ وہ سون بھدر فائرنگ میں مہلوکین کے اہل خانہ سے ملے بغیر واپس نہیں جائیں گی۔ پرینکا گاندھی نے اپنے ٹوئٹر ہینڈل سے اس سلسلے میں کچھ ٹوئٹر بھی کیے ہیں اور بتایا ہے کہ دیر رات یو پی پولس کے کئی افسران انھیں سمجھانے آئے کہ سون بھدر نہ جائیں۔ لیکن پرینکا گاندھی نے صاف کہہ دیا کہ وہ مہلوکین کے اہل خانہ سے ملے بغیر نہیں جائیں گی۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-