اہم خبر: شہریت قانون کی مخالفت میں ڈی ایم کے اراکین اسمبلی کا واک آؤٹ

تمل ناڈو: شہریت قانون کی مخالفت میں ڈی ایم کے اراکین اسمبلی کا واک آؤٹ

تمل ناڈو اسمبلی سے واک آؤٹ کے بعد ڈی ایم کے صدر ایم کے اسٹالن نے کہا کہ ’’میں نے شہریت قانون کے خلاف ایک قرارداد کے لیے اسمبلی سکریٹری کو خط بھیجا تھا۔ آج تک اس پر کوئی وضاحت نہیں پیش کی گئی ہے کہ اس قرارداد کو لایا جائے گا یا نہیں۔ اسمبلی اجلاس کے صرف دو دن بچے ہیں اور کچھ بھی نہیں بتایا جا رہا۔‘‘

جب تک شہریت قانون واپس نہیں لیا جاتا میرا مظاہرہ جاری رہے گا: صدف جعفر

جیل سے آزادی ملنے کے بعد کانگریس لیڈر صدف جعفر نے میڈیا سے بات چیت کرتے ہوئے کہا کہ ’’جیل جانے اور پٹائی کا خوف اب ختم ہو گیا ہے۔ میں یوگی جی کا شکریہ ادا کرنا چاہتی ہوں۔ جب تک یہ غیر انسانی قانون واپس نہیں لیا جاتا، اس وقت تک میں مظاہرہ جاری رکھوں گی۔‘‘

داراپوری اور صدف جعفر جیل سے آزاد، پرینکا گاندھی نے کیا ٹوئٹ

سابق آئی پی ایس داراپوری اور کانگریس لیڈر صدف جعفری کو جیل سے آج آزادی مل گئی۔ کانگریس جنرل سکریٹری پرینکا گاندھی نے ان کی رہائی کے بعد ایک ٹوئٹ کیا ہے جس میں انھوں نے لکھا ہے کہ ’’امبیڈکر کو ماننے والے مفکر اور سابق آئی پی ایس افسر داراپوری اور کانگریس لیڈر صدف جعفر جیل سے آزاد ہو گئے۔ عدالت کے ذریعہ ثبوت مانگنے پر یو پی پولس بغلیں جھانکنے لگی تھی۔ بی جے پی حکومت نے بے قصور لوگوں اور بابا صاحب کی وراثت کو آگے بڑھانے والے لوگوں کو گرفتار کر کے اپنی اصل سوچ کا مظاہرہ کیا ہے۔ لیکن جھوٹ کبھی نہیں جیت سکتا۔‘‘

ہماری انتخابی تشہیر مثبت ہوگی، ہمیں گالی گلوچ کی سیاست نہیں آتی: کیجریوال

چیف الیکشن کمشنر سنیل اروڑا نے دہلی اسمبلی انتخاب کی تاریخ کا اعلان 6 جنوری کو کر دیا اور بتا دیا کہ حق رائے دہی کا استعمال 8 فروری کو کیا جائے گا اور 11 فروری کو ووٹوں کی گنتی ہوگی۔ اس اعلان کے بعد سیاسی پارٹیوں کی انتخابی تشہیر اپنے عروج پر پہنچنے والی ہے۔ اس درمیان کیجریوال نے تشہیر کے دوران گالی گلوچ سے پرہیز کرنے کی بات کہی ہےے۔ انھوں نے اپنے ٹوئٹر ہینڈل سے ایک ویڈیو شیئر کرتے ہوئے کہا ہے کہ ان کی پارٹی کے ذریعہ چلائی جانے والی انتخابی تشہیر پوری طرح سے مثبت ہوگی اور وہ گالی گلوچ کی سیاست کو پسند نہیں کرتے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-