چانسلر ڈاکٹرخسرو پاشاہ حسینی ‘ میرزاہدعلی خاں(ایڈیٹرسیاست) ‘خالد سیف اللہ رحمانی کی شرکت
ناندیڑ:21اکتوبر(نامہ نگار)پیس ایجوکیشن اینڈ ویلفئیر سوسائٹی کے زیراہتمام 9نومبر 2018 بروزجمعہ بعد نماز مغرب ]انورگارڈن فنکشن ہال دیگلورناکہ ناندیڑ میں ایک عظیم الشان جلسہ سیرت النبی واصلاح معاشرہ کاانعقاد عمل میں آرہا ہے ۔ جلسہ کی سرپرستی عالی جناب سراج ملت الحاج ڈاکٹر سید خسرو پاشاہ حسینی سجادہ نشین ومتولی حضرت خواجہ بندہ نواز گیسودرازؒ گلبرگہ اور صدارت آفتاب صحافت عالی جناب نواب میر زاہد علی خان‘ایڈیٹرروزنامہ سیاست حیدرآباد کریں گے۔ مہمان خصوصی عالی جناب مولاناخالدسیف اللہ رحمانی حیدر آباد(ترجمان و سیکریٹری آ ل انڈیا مسلم پرسنل لاءبورڈ) عالی جناب مولانا رفیع الدین اشرفی اور مولانا محسن پاشاہ انصاری قادری نقشبندی مجددی (جنرل سیکریٹری کُل ہند سنی علماءمشائخ بورڈ محبوب نگر) ہوں گے۔ خصوصی شرکاءمیںمقامی وبیرونی شخصیات ہوں گی ۔جلسہ کے انعقاد کے لئے ایک مجلس استقبالیہ بھی تشکیل دی گئی ہے ۔ الداعیان محمدالطاف صدرپیس ایجوکیشن سوسائٹی‘ مولانا عبدالعظیم رضوی ‘ مفتی عبدالحسیب ‘مولانا ایوب قاسمی ‘ سید اس جاگیردار‘پروفیسر سید رحمن سید صابرشامل ہیں۔