ہندوستان کے خلاف فالو آن کے بعد جنوبی افریقہ کے 2 وکٹ آؤٹ
رانچی ٹسٹ میں ہندوستان کے خلاف جنوبی افریقہ کی حالت انتہائی خستہ ہے۔ پہلی اننگ میں جنوبی افریقہ کے بلے باز محض 162 رن بنا کر آؤٹ ہو گئے جس کی وجہ سے ہندوستان کو 335 رن کی سبقت حاصل ہو گئی۔ فالو آن کے بعد دوبارہ کھیلنے کے لیے اتری جنوبی افریقہ کی ٹیم شروع میں ہی لڑکھڑا گئی ہے اور امیش یادو کے ساتھ ساتھ محمد شامی نے بھی ایک ایک وکٹ جلدی آؤٹ کر کے مہمان ٹیم کی حالت خراب کر دی ہے۔ محض 10 رن کے اسکور پر جنوبی افریقہ نے اپنے دو وکٹ کھو دیے ہیں۔
3rd Test. 2.3: WICKET! Z Hamza (0) is out, b Mohammed Shami, 10/2 https://t.co/TrN7gGufRH #IndvSA @Paytm
— BCCI (@BCCI) October 21, 2019
کملیش تیواری قتل معاملہ میں شاہجہاں پور واقع مدرسوں و مسافر خانوں میں چھاپہ ماری
کچھ میڈیا ذرائع کے مطابق کملیش تیواری قتل کے ملزم کو شاہجہاں پور میں دیکھا گیا ہے۔ خبروں کے مطابق ایس ٹی ایف نے کئی ہوٹلوں، مدرسوں اور مسافر خانوں میں چھاپہ ماری کی۔ ہندی نیوز پورٹل ’آج تک‘ کے مطابق پولس کو سی سی ٹی وی فوٹیج میں مشتبہ افراد دکھائی دیے ہیں۔ فی الحال ایس ٹی ایف کی ٹیم شاہجہاں پور میں ڈیرا جمائے ہوئے ہے۔
کملیش تیواری قتل کے ملزمان پر یو پی پولس نے اعلان کیا 2.5 لاکھ کا انعام
کملیش تیواری قتل کے دو ملزمان پر اتر پردیش پولس نے 2.5-2.5 لاکھ روپے کے انعام کا اعلان کیا ہے، یوپی پولس ڈی جی پی او پی سنگھ نے کہا کہ قتل کے دونوں ملزمان اشفاق اور معین الدین پٹھان کو پکڑنے والے کو یہ رقم دی جائے گی، گزشتہ جمعہ کو لکھنؤ میں ہوئے کملیش تیواری قتل میں یہ دونوں ملزم ہیں اور پولس کی گرفت سے باہر ہیں۔
کملیش تیواری قاتل کے ملزمان نیپال فرار ہو گئے! پولس کا شبہ
ہندو سماج پارٹی کے سربراہ کملیش تیواری کے قتل کی جانچ کر رہے افسروں نے اندیشہ ظاہر کیا ہے کہ قتل کرنے والے واقعہ انجام دے کر نیپال فرار ہو گئے ہیں۔ بتایا جاتا ہے کہ سورت کے جن دو مسلمانوں فرید عرف معین خان پٹھان اور اشفاق خان پٹھان پر قتل واقعہ کو انجام دینے کا الزام ہے، وہ اپنا مقصد پورا ہونے کے بعد لکھنو سے نکل گئے اور نیپال چلے گئے۔ گجرات اینٹی ٹیرسٹ اسکواڈ کا کہنا ہے کہ یہی دونوں اشخاص سورت سے خریدے گئے مٹھائی کے ڈبے میں پستول اور چاقو چھپا کر لے گئے تھے اور کملیش تیواری کا قتل کیا۔
کیرالہ: زوردار بارش کے سبب کوچی کے سبھی اسکول آج بند، دو دنوں کے لیے آرینج الرٹ جاری
کیرالہ کے شہر کوچی میں آج زوردار بارش کے بعد سبھی اسکولوں کو بند کرنے کا اعلان کر دیا گیا۔ بارش کی وجہ سے معمولات زندگی پوری طرح درہم برہم ہے۔ محکمہ موسمیات نے خراب موسم کی پیشین گوئی کرتے ہوئے پہلے دو دنوں کا آرینج الرٹ جاری کر دیا تھا۔
Kerala: All schools in Kochi are closed today, following heavy rainfall in the city. An orange alert has already been issued for the next two days. pic.twitter.com/TjM5GIp0Fr
— ANI (@ANI) October 21, 2019
کملیش تیواری قتل معاملہ کے تینوں ملزمین احمد آباد سے لکھنو کے لیے روانہ
گزشتہ دنوں ہوئے ہندوتوا لیڈر کملیش تیواری قتل کے سلسلے میں گجرات سے تعلق رکھنے والے مولانا محسن شیخ، فیضان اور راشد احمد پٹھان سے لگاتار پوچھ تاچھ جاری ہے اور اب انھیں احمد آباد سے لکھنو لے جایا جا رہا ہے۔ تازہ خبروں کے مطابق تینوں ہی ملزمین احمد آباد ائیر پورٹ سے اتر پردیش کے لیے روانہ ہو گئے۔ اتر پردیش کے لکھنو میں ان سے مزید پوچھ تاچھ کی جائے گی۔
Gujarat: Maulana Mohsin Sheikh, Faizan, & Rashid Ahmed Pathan, accused in #KamleshTiwari murder case being taken to Uttar Pradesh from Ahmedabad Airport. pic.twitter.com/UJNJa9h84l
— ANI (@ANI) October 21, 2019
پاکستان کے ذریعہ کرتار پور گرودوارہ سفر پر 20 ڈالر سروس فیس لگانا شرمناک: ہرسمرت
مرکزی وزیر ہرسمرت کور نے ان خبروں کے پیش نظر پاکستان کے قدم کو افسوسناک قرار دیا ہے جس میں کہا گیا ہے کہ جو شخص کرتار پور گرودوارہ کا سفر کرے گا اسے بطور سروس فیس 20 ڈالر ادا کرنا ہوگا۔ ہرسمرت کور نے پاکستان کے اس فیصلہ کو شرمناک قرار دیا ہے اور ساتھ ہی سخت الفاظ میں اس کی مذمت کی ہے۔ میڈیا سے بات کرتے ہوئے ہرسمرت نے کہا کہ کرتار پور گرودوارہ ایک مذہبی مقام ہے اور وہاں جانے کے لیے سروس فیس کے نام پر 20 ڈالر وصول کرنا کسی بھی طرح مناسب نہیں۔
'Shameful', Harsimrat Kaur Badal criticises Pak over charging $20 'service fee' for Kartarpur Gurdwara visit
Read @ANI story | https://t.co/SPvvVpkLve pic.twitter.com/5LW1aAU4j2
— ANI Digital (@ani_digital) October 21, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-