سیمسنگ انڈیا نے بدھ کو اپنا ایئر پیوریفائر اے ایکس 5500 لانچ کیا ہے۔ اس کو لےکر کمپنی نے دعوی کیا ہے کہ یہ ایروڈائنامک ٹیکنالوجی سے لیس ہے جو کہ لیونگ اسپیس کو فوری طور پر پیوریفائی کردے گا ۔ سیمسنگ کے اس پیوریفائر کی قیمت 34990 روپے ہے اور اس کی آن لائن و آف لائن فروخت شروع ہوگئی ہے۔
اس پیوریفائر کو لینے والے صارفین کو اس کے ساتھ 12990 روپے کی قیمت والا سیمسنگ گلیکسی جے 6 (32 جی بی ) اسمارٹ فون مفت میں دیا جارہا ہے ۔ اگر کوئی شخص 31 اکتوبر سے پہلے سیمسنگ ایئر پیوریفائر اے ایکس 5500 یا سیمسنگ پریمیم ایئر پیوریفائر اے ایکس 7000 خریدتا ہے ، تو اس کو سیمسنگ کا یہ 13 ہزار روپے والا اسمارٹ فون مفت میں ملے گا ۔کمپنی کا دعوی ہے کہ سیمسنگ اے ایکس 5500 پیوریفائر سامنے کی جانب سے ہوا کو اندر کھینچتا ہے ۔ یہ ایک بڑے ایریا کو کوور کرتا ہے ، جو کہ اپنے چار اسٹیپ پیوریفکیشن سسٹم کے ذریعہ ڈسٹ پارٹیکلس ، گیس اور نقصاندہ وائرس کو ختم کردیتا ہے۔