بجنور: کانگریس جنرل سکریٹری پرینکا گاندھی واڈرا نے اتوار کو بجنور پہنچ کر شہریت ترمیمی قانون کے خلاف ہوئے احتجاجی مظاہرے میں جاں بحق ہونے والے افراد کے اہل خانہ سے ملاقات کر کے ان کی ڈھارس بندھائی۔ کڑاکے کی سردی میں تقریباً 3 بجے نہٹور پہنچیں پرینکا گاندھی نے کہا کہ اس مشکل وقت میں وہ متاثرہ اہل خانہ کے ساتھ کھڑی ہیں۔ انہوں نے کہا کہ حکومت بہت زیادہ ظلم و ستم پر آمادہ ہے۔
کانگریس جنرل سکریٹری بغیر کسی شیڈول کے اچانک بجنور کے نہٹور پہنچی اور احتجاج میں جاں بحق ہونے والے انس اور سلیمان کے اہل خانہ سے ملاقات کی۔ دونوں ہی جمعہ کی دوپہر احتجاج کے دوران ہونے والی فائرنگ میں جاں بحق ہوئے تھے۔
Bijnor: Priyanka Gandhi Vadra, Congress General Secretary for Uttar Pradesh (East) meets the family of Suleiman, who died during protests against #CitizenshipAmendmentAct in the city on 20th December. (file pic) pic.twitter.com/NpWRDmF00v
— ANI UP (@ANINewsUP) December 22, 2019
وہیں کانگریس جنرل سکریٹری کے ضلع میں اچانک پہنچنے سے ضلع انتظامیہ میں ہڑکمپ مچ گیا۔ پرینکا گاندھی کی آمد سے بے خبر انتظامیہ کو جیسے ہی ان کے ضلع میں ہونے کی خبر موصول ہوئی فوراً پولیس فورس نہٹور پہنچ گئی۔
قابل ذکر ہے کہ جمعہ کو نماز کے بعد شہریت ترمیمی قانون کے خلاف ہوئے احتجاجی مظاہرے میں اچانک تشدد پھوٹ پڑنے کے بعد فائرنگ میں دو افراد کی موت ہوگئی تھی۔ پولیس نے اس معاملے میں 50 نامزد جبکہ ڈھائی ہزار نامعلوم افراد کے خلاف مقدمہ درج کیا ہے۔ پولیس نے 6 افراد کو گرفتار کر کے جیل بھیج دیا ہے جبکہ لوگوں کی اپیل کے بعد بھی بازار میں سناٹا رہا اور دوکانیں نہیں کھلیں۔
ये तस्वीर अभी बिजनौर की है !#CAA और #NRC के ख़िलाफ़ प्रदर्शन कर रहे वो बच्चे जो पुलिसिया बर्बरता का शिकार हुए थे उनसे मिलने प्रियंका गॉंधी जी आज बिजनौर पँहुची थी
प्रियंका जी ने पीडित परिवारों के ऑंसू पोंछे और ये यक़ीन दिलाया कि निरंकुशता की उम्र बहोत कम होती है @priyankagandhi pic.twitter.com/yRKREkYjc8— Imran Pratapgarhi (@ShayarImran) December 22, 2019
اس موقع پر پرینکا گاندھی نے کہا کہ ’’شہریت ترمیمی قانون ملک کے مفاد میں نہیں ہے۔ ملک کی جی ڈی پی جتنی نیچے ہیں اتنی کبھی نہیں گری تھی۔ مظاہرے کے دوران ہلاکتوں کی تفتیش ہونی چاہئے۔ اہل خانہ نے کہا کہ جب وہ مقدمہ لکھوانے گئے تو پولیس والوں نے الٹے انہیں کے خلاف مقدمہ لکھنے کی دھمکی دے کر انہیں واپس بھگا دیا۔‘‘
پرینکا گاندھی نے کہا کہ یہ قانون غریبوں کی زندگی کو بہت مشکل بنا دے گا۔انہوں نے کہا کہ کچی آبادیوں میں رہنے والے لوگ انہیں دکھائیں گے کہ وہ کہاں سے 1971 کا پیپر لائے تھے! دوسری طرف ، انہوں نے وزیر اعظم اور حکومت کے بارے میں بتایا کہ وہ احتجاج کرنے کے لئے استعمال نہیں ہوئے ہیں۔
پرینکا گاندھی نے مزید کہا کہ یہ قانون غریبوں کی زندگی کو بہت مشکل بنا دے گا۔ ’’جھگی جھونپڑی میں رہنے والے لوگ 1971 کے کاغذات کہاں سے لاکر دکھائیں گے! وزیر اعظم اور حکومت کا یہ حال ہے کہ انہیں ذرا بھی اختلاف کی آواز سننے کی عادت نہیں ہے۔‘‘
हमारी महिला कार्यकर्ता को तुरंत रिहा करिए।
— Priyanka Gandhi Vadra (@priyankagandhi) December 22, 2019
قبل ازیں پرینکا گاندھی نے کانگریس کی لکھنؤ رہائشی خاتون کارکن صدف جعفر کو رہا کرنے کا مطالبہ کیا۔ انہوں نے ٹوئٹ میں لکھا، ’’ہماری خاتون کارکن صدف جعفر پولیس کو شرپسندوں کو پکڑنے کے لئے کہہ رہی تھیں لیکن انہیں یوپی پولیس نے بری طرح مارا پیٹا اور گرفتار کر لیا۔ وہ دو چھوٹے بچوں کی ماں ہیں۔ یہ سراسر زیادتی ہے۔ اس طرح کا جبر بالکل نہیں چلے گا۔‘‘ پرینکا گاندھی نے کہا کہ ’ہماری خاتون کارکن کو فوراً رہا کرئیے۔‘
واضح رہے کہ لکھنؤ میں 19 دسمبر کو سی اے اے کے خلاف زبردست ریلی نکالی گئی تھی، صدف جعفر بھی اس میں شامل تھیں۔ جب پریورتن چوک پر شرپسند عناصر نے پولیس پر پتھراؤ شروع کیا تو انہوں نے اس واقعہ کو فیس بک پر لائیو دکھانا شروع کر دیا۔ پولیس نے جب انہیں گرفتار کیا اس وقت بھی وہ فیس بلک پر لائیو تھیں۔
صدف جعفر ویڈیو میں پولیس والوں سے کہتی نظر آ رہی ہیں، ’’آپ انہیں کیوں نہیں روک رہے ہیں؟ جب لوگ پتھر پھینک رہے ہیں تو آپ کھڑے ہو کر تماشہ دیکھ رہے ہیں! ہیلمٹ کا کیا استعمال ہے؟ آپ لوگ کچھ کر کیوں نہیں رہے ہیں۔‘‘
دی کوئنٹ سے گفتگو کرتے ہوئے صدف کی بھانجی سمرن راج ورما نے بتایا کہ انہیں لکھنو جیل منتقل کر دیا گیا ہے اور پولیس نے انہیں بے دردی سے زد و کوب کیا ہے۔ سمرن نے یہ بھی کہا کہ صدف کے خلاف تخریب کاری، قتل کی کوشش اور دھماکہ خیز مواد رکھنے سے متعلق دفعات سمیت 14 دفعات عائد کی گئی ہیں۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-