سیالکوٹ۔27۔ فروری ۔ہندوستانی فضائیہ کی طرف سے پاک مقبوضہ کشمیر میں کئے گئے ہوائی حملے کے بعد ہندوستان اور پاکستان کے درمیان کشیدگی بڑھ گئی ہے۔ ہندوستان کے حملے کے بعد پاکستان نے دھمکی دی ہے کہ اس حملہ کا جواب جلد دیا جائے گا۔ اسی بیچ ٹوئٹر پر ہیش ٹیگ سیالکوٹ ٹاپ ٹرینڈ میں بنا ہوا ہے۔ یہ علاقہ پاکستان کے صوبہ پنجاب میں پڑتا ہے اور پاکستان کی میڈیا رپورٹ کے مطابق پاکستانی فوج نے سیالکوٹ سرحد پر ٹینک تعینات کر دئیے ہیں۔ حالانکہ ابھی تک اس خبر کی کسی بھی طرف سے رسمی طور پر تصدیق نہیں ہوئی ہے۔
