ناندیڑ:29ستمبر۔ (ورق تازہ نیوز) ناندیڑ ضلع میں لمپی سے متاثرہ مویشیوں (گائے زمرہ) کی تعداد بڑھ کر 171 ہو گئی ہے اور ضلع انتظامیہ نے ویکسینیشن پر زیادہ زور دیا ہے۔
جمعرات 29 ستمبر کو ضلع بھر میں ویکسی نیشن پر منصوبہ بندی کے ساتھ زور دیتے ہوئے آج 30 ہزار 100 مویشیوں کو حفاظتی ٹیکے لگائے گئے۔ ضلع میں اب تک 3 لاکھ 17 ہزار 818 مویشیوں کی ابتدائی ویکسی نیشن مکمل ہو چکی ہے۔ضلع میں اب متاثرہ مویشیوںکی تعدادمیں روزانہ اضافہ ہورہا ہے اور اموات بھی بڑھ رہی ہے۔اس وقت ناندیڑ ضلع کے 45 گاو¿ں لمپی سے متاثر ہیں۔ ان 45 دیہات میں مویشیوں کی کل تعداد 22 ہزار 715 ہے۔
ان میں سے 171 متاثرہ مویشیوں کو الگ تھلگ کرکے ان کا علاج کیا جارہا ہے۔ متاثرہ گاو¿ں کے 5 کلومیٹر کے دائرے میں دیہاتوں کی تعداد 283 ہے۔ کل دیہات 328 ہو گئے ہیں۔ ان 45 دیہاتوں کے 5 کلومیٹر کے دائرے میں موجود 328 دیہاتوں (متاثرہ 45 دیہاتوں سمیت) میں مویشیوں کی کل تعداد 92 ہزار 400 ہے۔ لمپی سے مرنے والے مویشیوں کی تعداد 13 تک پہنچ گئی ہے۔ کلکٹر خوشحال سنگھ پردیشی نے اپیل کی ہے کہ دستیاب ویکسین کی رقم 3 لاکھ 78 ہزار 250 ہے اور جانور پالنے والے گھبرائیں نہیں اور اپنے جانوروں کی صفائی، گائے کے شیڈ کی صفائی اور ویٹرنری افسر کے بتائے ہوئے احتیاطی تدابیر پر عمل کریں۔