نئی دہلی: 5. جون۔(ورق تازہ نیوز) متنازعہ بیان پر مسلسل احتجاج کے بعد بی جے پی نے اپنے لیڈروں کے خلاف کارروائی کی ہے۔
خبر رساں ایجنسی اے این آئی کی خبر کے مطابق پارٹی نے نوپور شرما کو معطل کر دیا ہے۔ دوسری جانب نوین کمار جندال کو پارٹی سے نکال دیا گیا ہے۔
اس سے قبل پارٹی کے قومی جنرل سکریٹری اور ہیڈکوارٹر انچارج ارون سنگھ نے کہا، ‘بی جے پی کسی بھی مذہب کی معتبر شخصیات کی توہین قبول نہیں کرتی ہے۔ کسی بھی مذہب یا فرقے کے جذبات کو ٹھیس پہنچانے والا کوئی بھی خیال قابل قبول نہیں۔
بی جے پی کے دہلی اسٹیٹ میڈیا ہیڈپارٹی کی جانب سے نوین کمار جندال کو جاری کیے گئے اخراج کے خط میں لکھا گیا ہے کہ آپ نے سوشل میڈیا پر فرقہ وارانہ ہم آہنگی کو بھڑکانے کا خیال ظاہر کیا ہے۔ یہ بھارتیہ جنتا پارٹی کے بنیادی خیال کے خلاف ہے۔