ونپرتی: ونپرتی ضلع مستقر میں مسلم طالب علم کو نماز کی ادائی کیلئے مسجد جانے کے دوران نام پوچھ کر ان پر حملہ کیا گیا۔ کل رات ایک مسلم نوجوان نماز پڑھنے مسجد جارہا تھا کہ ہندو شرپسندعناصر نے اس پر حملہ کیا ہے۔
تفصیلات کے مطابق ونپرتی ضلع مستقر میں موجود ایس سی ہاسٹل میں مقیم ڈپلومہ فارمیسی سال اول کے نوجوان جو کولّہ پور منڈل کے پداکوتہ پلی منڈل موضع چندارکلہ کے محمد معصوم 19 سالہ مسجد آمنہ خضر کو عشاء کی نماز ادا کرنے کے لیے جارہے تھے تو کچھ شرپسندوں نے نوجوان کو روک کر پوچھا کہ تم کہاں جارہے ہو؟ تو نوجوان بات کئے بغیر آگے جارہا تھا کہ انہیں روک کر طمانچہ رسید کیا۔
Mohammed Masum student of KDR Govt Polytechnic College Wanaparthy was attacked by Lokesh and five others while he was going to offer Isha Namaz.@amjedmbt spoke to Mohammed Masum and inquired about his health, Request @sp_wanaparthy to take necessary action against the culprits… pic.twitter.com/zHwkaWxiN7
— Amjed Ullah Khan MBT (@amjedmbt) April 24, 2024
سر پر موجود ٹوپی کو سڑک پر ڈال کر پیروں سے روند دیااور نوجوان کو مار پیٹ کی گئی اس نوجوان نے اپنے کالج کے ساتھیوں کو آواز دی انہیں آتا دیکھ کر شرپسند نوجوان کو چھوڑ کر چلے گئے۔نوجوان نے مسجد کے امام صاحب کو فون پر اطلاع دی، مسجد کے امام نے نوجوان کو دواخانہ منتقل کیا۔ پولیس نے نامعلوم شرپسندوں کے خلاف مقدمہ درج کیا اور تحقیقات جاری ہیں جب نمائندہ نے پولیس کے اعلی عہدیدار سے فون پر بات کی تو انھوں نے کہا کہ وہ تحقیقات کررہے ہیں۔
جلد از جلد شرپسند عناصر کو سخت سے سخت سزا دی جائے گی۔ زخمی مسلم نوجوان وطالب علم کو بہتر علاج کے لیے حیدرآباد منتقل کیا گیا ہے۔