مودی حکومت کی جموں و کشمیر میں کارروائی سے ہندوستان کا جمہوری اعتقاد بدنام ہوا: کانگریس
جموں و کشمیر مسئلہ پر کانگریس نے مودی حکومت کو تنقید کا نشانہ بنایا ہے۔ کانگریس نے کہا کہ مرکزی حکومت کے ذریعہ جموں و کشمیر میں کی جا رہی غیر قانونی کارروائی کی وجہ سے غیر ضروری بین الاقوامی مداخلت کو فروغ ملے گا۔ کانگریس نے کہا کہ پی ایم مودی اور ان کی کابینہ نے پوری دنیا میں ہندوستان کے جمہوری اعتقاد کو بدنام کیا ہے۔
The govt's lawless actions in J&K continue to garner unwarranted international intervention. PM Modi & his Cabinet have disgraced India's democratic credibility across the globe. https://t.co/LwgLBAbhKW
— Congress (@INCIndia) August 30, 2019
جموں و کشمیر سے دفعہ 370 ہٹ گیا، اب رام مندر بھی جلد بن جائے گا: پرگیہ ٹھاکر
بھوپال سے بی جے پی رکن پارلیمنٹ نے ایک بار پھر متنازعہ بیان دیا ہے۔ ابھی بابری مسجد اور رام مندر کا معاملہ سپریم کورٹ میں چل رہا ہے اور پرگیہ ٹھاکر نے کہا ہے کہ بہت جلد ایودھیا میں رام مندر کی تعمیر ہوگی۔ پرگیہ ٹھاکر ٹی ٹی نگر علاقہ میں ماں ویشنو دھام آدرش نو درگا مندر میں چل رہی رام کتھا کو سننے کے لیے پہنچی تھیں اور اس دوران ایک تقریب میں انھوں نے کہا کہ ’’جموں و کشمیر سے دفعہ 370 ہٹنے کے بعد اب رام مندر بھی جلد ہی بن جائے گا۔‘‘
چنمیانند کیس سے جڑی غائب لڑکی راجستھان سے برآمد
بی جے پی لیڈر سوامی چنمیانند پر جنسی استحصال کا الزام لگانے والی لڑکی جو اتر پردیش کے شاہجہاں پور سے غائب ہو گئی تھی، اسے برآمد کر لیا گیا ہے۔ لاء کی اس طالبہ کو پولس نے راجستھان سے برآمد کیا ہے اور وہ اسے لے کر اتر پردیش آ رہی ہے۔ اس سے قبل طالبہ کے غائب ہونے پر سپریم کورٹ نے نوٹس لیا تھا اور آج ہی اس معاملے پر سماعت کرنے کا فیصلہ کیا تھا۔ کچھ خاتون وکلاء نے عدالت کو واقعہ کی جانکاری دیتے ہوئے کوئی قدم اٹھانے کی گزارش کی تھی۔
#JustIn -The Law Student from Uttar Pradesh's Shahjahanpur who disappeared following alleged harassment by BJP leader and former Union minister Swami Chinmayanand has been found in Rajasthan. pic.twitter.com/VpMIsw9WtS
— News18 (@CNNnews18) August 30, 2019
بہار سکریٹریٹ کے ملازمین کے جینس اور ٹی شرٹ پہنننے پر لگی پابندی
بہار حکومت نے ریاستی سکریٹریٹ میں ملازمین کے جینس اور ٹی شرٹ پہننے پر پابندی لگا دی ہے۔ یہ حکم سکریٹریٹ میں ہر سطح کے ملازم پر نافذ ہوگا، جس کے تحت جینس اور ٹی شرٹ پہن کر دفتر آنے پر پابندی عائد کر دی ہے۔
Bihar Government has banned wearing jeans and t-shirts in the secretariat for all employees. Employees have been ordered to wear sober, simple, comfortable clothes in office.
— ANI (@ANI) August 30, 2019
نوئیڈا اتھارٹی نے جی آئی پی اور لاجکس مال کا پانی کنکشن کاٹا، بقایہ نہیں دینے پر ہوئی کارروائی
نوئیڈا اتھارٹی نے جمعرات کو 8 بڑے بقایہ داروں کا پانی اور سیور کنکشن کاٹ دیا۔ واٹر ریونیو کے 46 لاکھ روپے کے بقایہ کی وجہ سے سیکٹر 32 کے لاجکس سٹی سنٹرل مال کا کنکشن کاٹا گیا۔ جمعرات کو ہی سیکٹر 38 اے واقع جی آئی پی مال کا پانی و سیور کنکشن بھی کاٹا گیا۔ جی آئی پی مال پر اتھارٹی کا واٹر ریونیو کا 14.35 کروڑ روپے کا بقایہ ہے۔ اس کے علاوہ اتھارٹی نے سیکٹر 30 واقع این ایم سی ہاسپیٹل کا بھی پانی اور سیور کنکشن کاٹ دیا۔ اسپتال پر اتھارٹی کا 46 لاکھ روپے واٹر ریونیو کا بقایہ ہے۔
The GIP owes water and sewer dues of Rs 14.35 crore, Logix City Center Rs 46 lakh, NMC Hospital Rs 46 lakh. The other six industrial units facing action have dues of Rs 18 lakh, Rs 18 lakh, Rs 12 lakh, Rs 21 lakh, Rs 10 lakh and Rs 12 lakh https://t.co/eDs7qpFxHU
— ANI UP (@ANINewsUP) August 30, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-