اہم خبر: یو پی حکومت نے کسانوں کو پریشان کرنے کے کئی طریقے ایجاد کیے ہیں… پرینکا

یو پی حکومت نے کسانوں کو پریشان کرنے کے کئی طریقے ایجاد کیے ہیں: پرینکا

کانگریس جنرل سکریٹری پرینکا گاندھی نے اتر پردیش میں کسانوں کے ذریعہ خودکشی کے معاملے پر یوگی حکومت کو تنقید کا نشانہ بنایا ہے۔ پرینکا گاندھی نے ٹوئٹ کر کے لکھا ہے کہ اتر پردیش حکومت کسانوں کو پریشان کرنے کے لیے نئے نئے طریقے ڈھونڈ رہی ہے۔ قرض معافی کے نام پر اتر پردیش حکومت نے کسانوں کے ساتھ دھوکہ کیا۔ اتنا ہی نہیں، بجلی بل کے نام پر انھیں جیل میں ڈالا جا رہا ہے۔ پرینکا نے مزید لکھا ہے کہ کسانوں کو سیلاب، بارش سے برباد فصل کا کوئی معاوضہ نہیں مل رہا ہے۔ یو پی حکومت کو کسانوں کی یاد صرف اشتہار میں آتی ہے۔

راجستھان: دھولپور میں مورتی وسرجن کے دوران غرقاب ہونے والوں کی تعداد 10 پہنچی

راجستھان کے دھولپور واقع پربتی ندی میں مورتی وسرجن کے دوران جو حادثہ 8 ستمبر کو ہوا تھا، اس میں غرقاب ہونے والوں کی تعداد بڑھ کر 10 ہو گئی ہے۔ بتایا جاتا ہے کہ بڑی تعداد میں نوجوان مورتی وسرجن کے لیے پربتی ندی میں گہرے پانی کی طرف بڑھ رہے تھے کہ اچانک ایک تیز لہر کی زد میں آنے کی وجہ سے وہ خود کو سنبھال نہیں سکے۔ پانچ لوگوں کی لاشیں فوری طور پر برآمد ہو گئی تھیں لیکن بعد میں پتہ چلا کہ 10 افراد کی موت ڈوبنے کی وجہ سے ہو گئی۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-