راج ٹھاکرے ای ڈی دفتر پہنچے، ممبئی کے کئی علاقوں میں دفعہ 144 نافذ
ممبئی میں ای ڈی دفتر میں آج ایم این ایس سربراہ راج ٹھاکرے سے پوچھ تاچھ ہونے والی ہے۔ اس کے لیے راج ٹھاکرے ای ڈی دفتر پہنچ چکے ہیں۔ ایم این ایس کارکنان کی ہنگامہ آرائی کے پیش نظر ممبئی پولس نے ای ڈی دفتر کے باہر دفعہ 144 نافذ کر دیا ہے۔ اس کے علاوہ پولس نے مرین ڈرائیو، ایم آر اے مارگ، دادر اور آزاد میدان پولس اسٹیشنوں میں بھی دفعہ 144 کا نفاذ کر دیا ہے۔
Mumbai: Maharashtra Navnirman Sena (MNS) Chief Raj Thackeray arrives at office of the Enforcement Directorate, to appear before it, in connection with a case pertaining to alleged irregularities related to Infrastructure Leasing and Financial Services (IL&FS)loan to Kohinoor CTNL pic.twitter.com/VfgINaQwLD
— ANI (@ANI) August 22, 2019
چدمبرم کی گرفتاری جمہوریت اور انصاف کا قتل ہے: کانگریس
بدھ کی دیر رات سابق وزیر مالیات پی چدمبرم کی گرفتاری سے کانگریس کافی ناراض ہے۔ آج صبح پریس کانفرنس کرتے ہوئے کانگریس ترجمان رندیپ سنگھ سرجے والا نے کہا کہ حکومت نے اہم ایشوز سے دھیان بھٹکانے کے لیے پی چدمبرم کو گرفتار کیا ہے۔ انھوں نے مزید کہا کہ ’’گزشتہ دو دنوں میں ملک دن دہاڑے جمہوریت کے ساتھ انصاف کے قتل کا گواہ بنا ہے۔ اقتدار میں بیٹھے لوگوں کے ذریعہ سی بی آئی اور ای ڈی کا استعمال سیاسی رنجش نکالنے کے لیے کیا جا رہا ہے۔‘‘
سرجے والا نے پی چدمبرم کی گرفتاری کو غلط ٹھہراتے ہوئے پریس کانفرنس میں کہا کہ ’’سابق وزیر داخلہ اور مالیات پی چدمبرم کے ساتھ غلط سلوک کیا جا رہا ہے اور منصوبہ بند طریقے سے مقدمہ چلایا جا رہا ہے، جو کہ مودی حکومت کے ذریعہ ذاتی اور سیاسی بدلہ سے کم نہیں ہے۔‘‘ انھوں نے مزید کہا کہ ’’ملک کی معیشت مودی حکومت کے کنٹرول سے باہر ہو رہی ہے، بے روزگاری بڑھتی جا رہی ہے، روپے کی قیمت گھٹ رہی ہے اور سبھی سیکٹرس میں بحران کی حالت دیکھنے کو مل رہی ہے۔ ایسے ماحول میں اب ہم وہ چیزیں دیکھیں گے جو ایک مایوس مودی حکومت ملک کا دھیان ہٹانے کے لیے کرے گی۔‘‘
راجیو گاندھی جی کی کئی حصولیابیوں میں سے ایک تھا پنجاب، آسام اور میزورم معاہدہ: راہل گاندھی
راجیو گاندھی جی کی کئی حصولیابیوں میں سے ایک پنجاب، آسام اور میزورم معاہدہ تھا، جس نے جدوجہد اور تشدد کو ختم کرنے میں مدد کی۔ آپسی بھائی چارہ، شعور اور امن پسندی کی بنیاد پر اٹھائے گئے ان اقدام نے ہندوستانی یونین کو مضبوط کیا۔
Amongst Rajiv Gandhi ji’s many achievements were the Punjab, Assam & Mizoram accords, that helped bring to an end years of conflict & violence.
Built on a foundation of mutual respect, understanding & peaceful coexistence, these accords strengthened the Indian Union.#Rajiv75 pic.twitter.com/MGpgi7QE4u
— Rahul Gandhi (@RahulGandhi) August 22, 2019
بی جے پی حکومت آواز اٹھانے والوں پر لاٹھی برساتی ہے اور گرفتار کرتی ہے: پرینکا گاندھی
پرینکا گاندھی نے بی جے پی حکومت پر دلتوں اور آواز اٹھانے والوں کے ساتھ ظلم کرنے کا الزام عائد کیا ہے۔ انھوں نے آج ٹوئٹ کرتے ہوئے لکھا ہے کہ ’’بی جے پی حکومت پہلے کروڑوں دلت بہنوں-بھائیوں کی ثقافتی وراثت کی علامت روی داس مندر سے کھلواڑ کرتی ہے اور جب ملک کی راجدھانی میں ہزاروں دلت بھائی-بہن اپنی آواز اٹھاتے ہیں تو بی جے پی ان پر لاٹھی برساتی ہے، آنسو گیس چلواتی ہے، گرفتار کرتی ہے۔‘‘
भाजपा सरकार पहले करोड़ों दलित बहनों-भाइयों की सांस्कृतिक विरासत के प्रतीक रविदास मंदिर स्थल से खिलवाड़ करती है और जब देश की राजधानी में हजारों दलित भाई-बहन अपनी आवाज़ उठाते हैं तो भाजपा उन पर लाठी बरसाती है, आँसू गैस चलवाती है, गिरफ़्तार करती है।#SaveSantRavidasTemple
— Priyanka Gandhi Vadra (@priyankagandhi) August 22, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-