اردھاپور (ورق تازہ نیوز): قومی شاہراہ نمبر 361 (NH-361) پر سمراٹ چوک، اردھاپور میں منگل 15 ستمبر 2026 کو صبح تقریباً 11:55 بجے ایک سڑک حادثہ پیش آیا۔ حادثے میں موٹر سائیکل سوار نوجوان ٹرک کی زد میں آکر شدید زخمی ہوگیا۔
موصولہ اطلاع کے مطابق موٹر سائیکل نمبر MH 26 BG 0871 کا سوار اومکار پرلہاد ساکھرے (عمر 19 سال، ساکن خیرگاؤں، تعلقہ اردھاپور) سڑک عبور کررہا تھا، اسی دوران ٹرک نمبر GJ 05 BZ 3374 نے اسے ٹکر مار دی۔ حادثے میں اومکار ساکھرے کو شدید چوٹیں آئیں۔
حادثے کی اطلاع ملتے ہی دوپہر 12 بجے ناندیڑ ہائی وے پولیس مرکز اور اردھاپور پولیس اسٹیشن کی ٹیم 12:05 بجے جائے حادثہ پر پہنچ گئی۔ پولیس سب انسپکٹر سنبھاجی گٹے، پولیس اہلکاروں اور سیوک وسنت شِنگارے نے موقع پر پہنچ کر فوری امدادی کارروائیاں انجام دیں۔
زخمی اومکار ساکھرے کو کے ٹی ایل ٹول ناکہ کی ایمبولینس کے ذریعے ابتدائی علاج کے لیے سرکاری اسپتال اردھاپور منتقل کیا گیا۔ بعد ازاں مزید علاج کے لیے اسے یشوسائی اسپتال، ناندیڑ میں داخل کرایا گیا، جہاں اس کا علاج جاری ہے۔