بنگلورو: کرناٹک کی راجدھانی بنگلورو میں شدید بارش کی وجہ سے پانی بھرتا دکھائی دے رہا ہے۔ حال ہی میں جہاں منگل کو موسلادھار بارش کے بعد اسکول اور کالج بند کردیئے گئے، وہیں سڑکوں پر پانی جمع ہونے کی وجہ سے شہر کی رفتار دھیمی ہوتی نظر آرہی ہے۔
ریاست میں اگلے چند دنوں تک موسلادھار بارش کی وارننگ دی گئی ہے۔ اس دوران ریاست کے کچھ اضلاع میں یلو الرٹ بھی جاری کیا گیا۔ ایسے میں ریاست کے مختلف علاقوں سے کئی ایسی تصویریں بھی سامنے آئی ہیں، جن میں موسلادھار بارش ہوتی دکھائی دے رہی ہے۔اول الذکر ریاست کا حال بتا رہا ہے۔ اسی دوران کچھ ایسی تصاویر بھی دیکھی گئیں جو چونکا دینے والی تھیں۔ حال ہی میں سوشل میڈیا پر ایک چونکا دینے والی تصویر وائرل ہو رہی ہے، جس میں ایک شہری رضاکار کے ہاتھ میں کیٹ فش نظر آ رہی ہے۔
یوں تو موسلا دھار بارش کی وجہ سے ان دنوں بنگلور کی کئی تصویریں انٹرنیٹ پر آ رہی ہیں لیکن حال ہی میں جو تصویر وائرل ہو رہی ہے وہ سب کو چونکا رہی ہے۔ وائرل ہونے والی اس تصویر میں دیکھا جا سکتا ہے کہ ایک سول رضاکار ہاتھ میں مچھلی پکڑے ہوئے ہے اور اس کا ساتھی اس مچھلی کی تصویر اپنے موبائل فون میں کلک کر رہا ہے۔
یہ ویڈیو انٹرنیٹ پر کافی وائرل ہو رہی ہے۔ اس تصویر کو سوشل میڈیا پلیٹ فارم ٹوئٹر پر @sleepyhead148 نامی اکاؤنٹ سے شیئر کیا گیا ہے۔ تصویر شیئر کرتے ہوئے کیپشن لکھا ہے، ‘بنگلور آؤ۔ آپ سڑک کے بیچوں بیچ مچھلی پکڑتے دیکھ سکتے ہیں۔