مقبوضہ بیت المقدس : فلسطین میں اقوام متحدہ کی طرف سے جاری ایک رپورٹ میں بتایا گیا ہے کہ 2ہفتوں کے دوران قابض اسرائیلی فوج کی ریاستی دہشت گردی کے نتیجے میں 3فلسطینی شہید کیے گئے۔ رپورٹ کے مطابق قابض فوج نے انتقامی کارروائیاں کرتے ہوئے 49 مکانات کو مسمارکردیا،جس کے نتیجے میں 190افراد بے گھر ہوگئے۔ یہ رپورٹ اقوام متحدہ کے فلسطین میں دفتر برائے انسانی اموراوچا کی طرف سے جاری کی گئی ہے۔ غرب اردن اور بیت المقدس میں کارروائیوں کے دوران اسرائیلی فوج کے تشدد سے 135 فلسطینی زخمی ہوئے۔ رپورٹ میں کہا گیا ہے کہ اسرائیلی فوج کے ہاتھوں مکانات کی مسماری سے 38 خواتین اور بچوں سمیت 200 فلسطینی براہ راست اور 400 بالواسطہ طورپر متاثر ہوئے۔ مسمار کی جانے والی فلسطینی عمارتوں میں مکانات، دکانیں، سیکٹر سی میں موجود ایک مسجد شامل ہے۔ دوسری جانب اسرائیلی حکام نے بیت لحم میں شہید کیے گئے امجد ابو سلطان کا جسد خاکی ورثا کو دینے سے انکار کردیا۔

ورق تازہ نیوز اب ٹیلی گرام پر بھی دستیاب ہے۔ ہمارے چینل کو جوائن کرنے کے لئے یہاں کلک کریں  https://t.me/waraquetazaonlineاور تازہ ترین خبروں سے اپ ڈیٹ رہیں۔ 


اپنی رائے یہاں لکھیں