بارامتی لوک سبھا حلقے میں سنیترا پوار کے لیے ایم این ایس کے کارکنان کی انتخابی مہم
بارامتی: مہاراشٹر نو نرمان سینا کے صدر راج ٹھاکرے نے عہدیداروں اور کارکنوں کو مہایوتی امیدواروں کے لیے مہم چلانے کی ہدایت دی ہے، جس کے پیش نظر بارامتی لوک سبھا حلقہ میں ایم این ایس کے کارکنان بھی سرگرم ہوگئے ہیں۔ سنیترا پوار کی موجودگی میں بارامتی میں ایم این ایس عہدیداروں اور لیڈروں کی میٹنگ ہوئی۔
یہ میٹنگ بارامتی کے ایم این ایس لیڈروں کی موجودگی میں ہوئی اس میٹنگ میں ایم این ایس لیڈر دلیپ دھوترے، ایم این ایس کے ریاستی نائب صدر سدھیر پاٹاسکر، این سی پی کے ضلع صدر پردیپ گراٹکر، ایم این ایس کے ضلع صدر پوپٹ سوریاونشی، سنتوش داسواڈکر سمیت کئی عہدیدار موجود تھے۔
ایم این ایس کارکنوں نے اس میٹنگ میں کہا کہ وہ سنیترا پوار کی جیت کے لیے پوری طاقت کے ساتھ کام کریں گے۔ اس دوران سنیترا پوار نے ایم این ایس کے کارکنوں سے بات چیت کرتے ہوئے بتایا کہ راج ٹھاکرے کے خاندان سے ان کے خاندانی تعلقات ہیں، شرمیلا ٹھاکرے ان کی خاص دوستوں میں سے ایک ہیں، انہوں نے ایم این ایس کے کارکنوں کو یہ بھی یقین دلایا کہ اس الیکشن میں جن لوگوں نے ان کا ساتھ دیا، وہ ان کا ساتھ دیں گی۔ ہمارا ساتھ دیا ہے ہمیشہ خیال رکھا جائے گا۔
