وارانسی: وارانسی کے متنازعہ گیان واپی کمپلیکس میں ویاس جی کے تہہ خانے میں پوجا شروع ہونے کے بعد، مسلم فریق اعلیٰ عدالت جانے کی تیاری کر رہا ہے۔ سپریم کورٹ سے راحت نہ ملنے کے بعد گیانواپی مسجد کی انتظامی کمیٹی نے ہائی کورٹ میں عرضی داخل کرنے کی تیاری شروع کر دی ہے۔
پریاگ راج میں مسجد کمیٹی کی درخواست تیار کی جا رہی ہے۔ بتایا جا رہا ہے کہ آج ہی الہ آباد ہائی کورٹ میں درخواست دائر کی جائے گی۔ مسجد کمیٹی نے اپنی درخواست میں وارانسی کے ڈسٹرکٹ جج کے کل کے حکم کا حوالہ دیا ہے۔
چیف جسٹس کے سامنے درخواست کا تذکرہ کرنے اور فوری طور پر اس کی سماعت کرنے کی اپیل بھی کی جائے گی۔