نئی دہلی،15جون (یو این آئی) ملک میں کورونا مریضوں کے ٹھیک ہونے کی شرح میں اضافہ ہورہا ہے اور اب تک کورونا کے مجموعی طورپر 1,69,797مریض ٹھیک ہوگئے ہیں اور ریکوری شرح بڑھ کر 51.08فیصد ہوگئی ہے۔
کورونا کے مریضوں کے ٹھیک ہونے کی شرح میں یہ اضافہ اس بات کی علامت ہے کہ مریضوں پر دواوں کا بہتر اثر ہورہا ہے اور اب تک ملک میں کورونا کے نصف سے زیادہ مریض ٹھیک ہوگئے ہیں۔اس وقت 1,53,106کورونا کے فعال مریض ڈاکٹروں کی نگرانی میں ہیں۔