ناندیڑ:28نومبر۔ (ورق تازہ نیوز) لوکل کرائم برانچ کی ایک ٹیم نے موٹر سائیکل چور اور تین موبائل چوروں کو گرفتار کرلیا۔ ان میں سے دو کو شیوجی نگر پولیس تھانہ اور ایک بھاگیہ نگر پولیس اسٹیشن کے حوالے کیا گیا ہے۔
چوتھے چور کو نظام آباد پولیس کے حوالے کردیا گیا ہے کیوں کہ اس نے موٹر سائیکل کوتلنگانہ کے نظام آباد پولیس اسٹیشن حدود سے چوری کیاتھا ۔
ناندیڑ شہر اور ضلع میں موٹرسائیکل کی چوریوں میں اضافہ ہوا ہے۔ گذشتہ روز ہی لوکل کرائم برانچ نے چوری شدہ گاڑی سے لاکھوں روپے مالیت کے ٹو وہیلرگاڑیوں کے اسپیئر پارٹس ضبط کرلئے۔ اس کی تفتیش ابھی جاری ہے۔
اس کے علاوہ ، 26 نومبر کو ایل سی بی دستہ کے چیف دوارکاداس چکھلی کرکی رہنمائی میں پی ایس آئی آشیش بوراٹے کے علاوہ دیگر ملازمین فرنداے نگر کے علاقے میں گش کررہے تھے کہ تہرا نگر کے عبدالسمیر سعید (21) کے پاس چوری شدہ موبائل فون برآمدہوا ۔
اس نے بتایا کہ موبائل شیخ اویس شیخ افضل سے خریدا تھا۔ پھرپولیس نے دونوں کو گرفتار کرلیا اور ان سے موبائل ضبط کرلیا اور دونوں ملزمان اور موبائل کو شیواجی نگر پولیس کے حوالے کردیا کیونکہ اس موبائل کا تعلق شیواجی نگر پولیس اسٹیشن میں درج جرم نمبر 302/2019 سے تھا۔
26 نومبر کی سہ پہر کو اسی ٹیم نے آشیش نگر کے آکاش گنیش نوگڑے (24) کو گرفتار کیا اور اس سے پوچھ گچھ کی تو اسے اپنے پاس سے ایک چوری شدہ موبائل فون ملا۔
بھاگیہ نگر پولس اسٹیشن سے یہ موبائل جرم نمبر 70/2020 کے تحت چوری کیا گیا تھا۔ موبائل اور چوری کرنے والے آکاش گنیش نوگھڑے کو بھاگیہ نگر پولیس کے حوالے کردیا گیا ہے۔
تیسرے واقعے میں اسی پولیس ٹیم نے شیواجی نگر کے علاقے میں روہنی بار کے سامنے ارباز خان اجمل خان (20) کو گرفتار کیا۔ اس کے پاس موٹرسائیکل تھی۔ وہ موٹرسائیکل اپنے دوست شیخ اویس شیخ محمود (20) ساکن قدوائی نگرسے لیاتھا ۔
اس گاڑی کے چیس نمبر سے معلومات حاصل کیں توعلم ہواکہ شانتی نگر نظام آباد کے محمد امجد حسین کے نام پر گاڑی نمبر TS16EX1695 رجسٹرڈ ہے۔ تلنگانہ کے نظام آباد پولیس اسٹیشن میں مقدمہ نمبر 244/2020 درج کیا گیا ہے۔
نظام آباد کے اسسٹنٹ انسپکٹر پولیس ۔کے۔ رمیش ناندیڑ آئے اور ارباز خان اجمل خان کو اپنے ساتھ موٹرسائیکل سمیت نظام آبادلے کر روانہ ہوگئے۔اس کاروائی پر ایس پی پرمود شیوالے ‘اور ایڈیشنل سپرنٹنڈنٹ پولیس وجے کباڈے نے مقامی کرائم برانچ ٹیم کی تعریف کی ہے ۔