عالمی کپ LIVE: ہندوستان-نیوزی لینڈ مقابلہ سے پہلے میدان پر بارش، میچ منسوخ ہونے کا خدشہ

ہندوستان-نیوزی لینڈ مقابلہ سے پہلے میدان پر بارش، میچ منسوخ ہونے کا خدشہ

کچھ دیر ٹھہرنے کے بعد ناٹنگھم کے میدان پر ایک مرتبہ پھر سے بارش شروع ہو گئ ہے جہاں ہندوستان اور نیوزی لینڈ کا مقابلہ کھیلا جانا ہے۔ بارش کی وجہ سے ٹاس میں بھی تاخیر ہوئی ہے جو کہ 2.30 بجے ہونا تھا۔ میدان کا معائنہ کئے جانے کے بعد میچ کے حوالہ سے کوئی فیصلہ لیا جائے گا۔

ہندوستان اور نیوزی لینڈ کے مقابلہ پر بارش کا خطرہ

عالمی کپ 2019 کے دوران انگلینڈ کے موسم پر خوب بحث ہو رہی ہے۔ کرکٹ کے اس اہم ترین ٹورنامنٹ میں اب تک 17 میں سے 3 میچ بارش کی نذر ہو چکے ہیں۔ آج ناٹنگھم کے ٹرینٹ برج میں ہندوستان کا مقابلہ نیوزی لینڈ سے ہونے جا رہا ہے اور اس میچ پر بھی بارش کا خطرہ منڈلا رہا ہے۔

ناٹنگھم میں ٹھہر ٹھہر کر بارش ہو رہی ہے اور موسم کی پیش گوئی کے مطابق لنچ کے وقت تک بارش بند ہو سکتی ہے، اس سے اس میچ کے اووروں کو کم کئے جانے کا خدشہ ہے۔

ہندوستان اور نیوزی لینڈ کے لئے ٹاس دوپہر 2.30 (ہندوستانی معیاری وقت کے مطابق) بجے ہونا ہے۔ اب دیکھنا یہ ہے کہ ٹاس بھی ہو پاتا ہے یا نہیں۔

– Source بشکریہ قومی آواز بیورو—