ممبئی: اداکارہ کنگنا راناوت نے ایک بار پھر شیوسیناکو نشانے پر لیا ہے۔ دراصل ، منی لانڈرنگ کے معاملے کی تحقیقات کرنے والے انفورسمنٹ ڈائریکٹوریٹ (ای ڈی)کو شیوسینا کے ایم ایل اے پرتاپ سرنائیک کے پاس سے پاکستان کا کریڈٹ کارڈ ملا ہے ۔
جب یہ خبر کنگنا تک پہنچی تو اداکارہ کو ان کی وہ دھمکی یاد آگئی ، جو انہیں ممبئی کا موازنہ پاکستان کے قبوضے والے کشمیر ( پی او کے ) سے کرنے کے بعد ملی تھی ۔ کنگنا نے ٹویٹ کرتے ہوئے پرتاپ سرنائیک کو نشانہ بنا تے ہوئے لکھا کہ ‘ جب میں نے کہا کہ ممبئی پی او کے کی طرح لگتی ہے تو اس نے میرا منہ توڑنے کی دھمکی دی تھی ۔ ہندوستان ان لوگوں کو جانتا ہے ،جو آپ پر سب کچھ قربان کر رہے ہیں اور جو چیزیں آپ سے دور لے جارہے ہیں ۔ جہاں آپ اپنا وشواس رکھتے ہیں ، وہی آپ کا مستقبل ہے۔ انڈیا پاکستان نہ بن جائے ، سنبھالو یارو’۔
کنگنا نے یہ بات ایک صارف کو ٹویٹ پر لکھی ہے۔ در اصل ، ایک صارف نے ایک خبر شیئر کی ، جس کے مطابق شیوسینا کے ایم ایل اے پرتاپ سرنائیک کے پاس سے پاکستان کا کریڈٹ کارڈ ملا ہے۔ کنگنا نے اس ٹویٹ کو لیکر بھڑاس نکالی ہے ۔
جب کنگنا نے ممبئی کا موازنہ پاکستان کے مقبوضہ کشمیر سے کیا تو ، پرتاپ سرنائیک نے ایک انٹرویو میں انہیں دھمکی دی اور کہا – اگر وہ ممبئی آئیں گی تو ، ہماری خواتین ملازمین ان کا منہ توڑ دیں گی۔ تاہم ، اس بیان کی وجہ سے انہیں قومی کمیشن برائے خواتین کی ناراضگی کا سامنا کرنا پڑا تھا۔