نئی دہلی : راشٹریہ کسان مزدور سنگھٹن اور بھارتیہ کسان یونین نے یوم جمہوریہ کے موقع پر نکالی گئی کسان ٹریکٹر ریالی کے دوران تشدد کے بعد کسانوں کے احتجاج سے دستبرداری اختیار کرلی ہے ۔ راشٹریہ کسان مزدور سنگھٹن کے لیڈر وی ایم سنگھ نے کہا کہ اب ہم کسانوں کے احتجاج میں شامل نہیں ہوسکتے اور نہ ہی اس کی تائید کرتے ہیں ۔ احتجاج کرنے والے لوگ چاہتے ہیں کہ وہ اپنا رخ کسی اور سمت میں کرلیں ۔ ہم اس طرح کے تشدد کی ہرگز حمایت نہیں کریں گے ۔