اسلام آباد:28 فروری (بی بی سی )پاکستان کے شعبہِ تعلقاتِ عامہ آئی ایس پی آر کا کہنا ہے کہ انڈین فائرنگ سے چار عام شہری ہلاک جبکہ دو زخمی ہوئے ہیں۔فوج کا کہنا ہے کہ موجودہ کشیدگی کے باعث پاکستانی فوج ایل او سی پر ہائی الرٹ پر ہے اور وہ کسی بھی انڈین جارحیت کا مقابلہ کرنے کے لیے تیار ہے۔آئی ایس پی آر کی جانب سے دی گئی اپ ڈیٹ کے مطابق گذشتہ 48 گھنٹوں میں انڈین فوجیوں نے ایل او سی پر کوٹلی، کھوئیرتا اور ٹٹا پانی سیکٹرز میں فائرنگ کی جس کا پاکستانی فوج نے مو¿ثر جواب دیا ہے۔
