بنگلورو:26/ڈسمبر(ایجنسیز) چین سمیت کئی ممالک میں کورونا انفیکشن کی بڑھتی ہوئی تعداد کے پیش نظر ہندوستان نے بھی کورونا سے متعلق احتیاطی تدابیر اختیار کرنا شروع کردی ہیں۔ کورونا کے خطرے کو دیکھتے ہوئے کرناٹک حکومت نے نئے قوانین نافذ کیے ہیں۔
کرناٹک کے محکمہ صحت نے دارالحکومت بنگلور میں کورونا کی صورتحال کے حوالے سے ایک خصوصی میٹنگ کی تھی۔ اس میٹنگ کے بعد حکومت نے بنگلور اور منگلورو میں دو اسپتالوں کو بیرون ملک سے آنے والے مسافروں کے لیے تیار رکھنے کو کہا ہے۔ ان اسپتالوں میں بنگلور کے بوورنگ اسپتال اور منگلور میں وینلوک اسپتال جیسے نام شامل ہیں۔ اس کے علاوہ حکومت کی جانب سے عوام کے لیے بہت سے قوانین نافذ کیے گئے ہیں۔
محکمہ صحت کی جانب سے جاری کردہ ہدایات میں نابند تھیٹرمیںناظرین کے لیے ماسک پہننا لازمی قرار دیا گیا ہے اگر وہ بند تھیٹروں میں فلم دیکھنا چاہتے ہیں۔ اس کے علاوہ اسکولوں اور کالجوں میں بھی ماسک کو لازمی قرار دیا گیا ہے۔ اس کے علاوہ اسکولوں اور کالجوں میں سینیٹائزر کی فراہمی اور سبھی کو مکمل طور پر ٹیکے لگائے جائیں۔ اگر کسی نے اسکولوں اور کالجوں میں ویکسین نہیں لگائی تو کارروائی کی جائے گی۔ یہی نہیں نئے سال میں ریستورانوں میں ماسک استعمال کرنے کا مشورہ دیا گیا ہے۔ اس کے علاوہ بار میں بارٹینڈرزکو ماسک کا استعمال لازمی قرار دیا گیا ہے۔اورانکی ٹیکہ اندازی مکمل ہونی چاہئے
حکومت کے ذریعہ نافذ کردہ رہنما خطوط کے مطابق، بنگلور کے ایم جی روڈ پر تہوار کے دوران بھی ماسک پہننا لازمی ہے۔ اس کے علاوہ شہر میں نئے سال کی تقریبات کے لیے صرف رات ایک بجے تک کی ڈیڈ لائن دی گئی ہے۔ کورونا کے تعلق سے کرناٹک کے بیلگام میں جاری اسمبلی اجلاس کے دوران منعقدہ میٹنگ میں رہنما خطوط کا اعلان کیا گیا۔ وزیر صحت کے۔ سدھاکر اور ریونیو منسٹر آر۔ اشوک نے ان نئی شرائط سے آگاہ کیا۔ انہوں نے یہ بھی کہا کہ اس حوالے سے تمام احکامات شام تک شائع کر دیے جائیں گے۔