اہم خَبر: انگلینڈ کے کھلاڑی اسٹوکس ’نیوزی لینڈر آف دی ائیر‘ خطاب کے لیے نامزد

انگلینڈ کے آل راؤنڈر بین اسٹوکس ’نیوزی لینڈر آف دی ائیر‘ ایوارڈ کے لیے نامزد

عالمی کپ کے فائنل میچ میں مین آف دی میچ سے نوازے گئے انگلینڈ کے آل راؤنڈر بین اسٹوکس کو ’نیوزی لینڈر آف دی ائیر‘ ایوارڈ کے لیے نامزد کیا گیا ہے۔ جی ہاں، یہ حیران کرنے والی بات اس لیے ہے کیونکہ انھوں نے انگلینڈ کو فتحیاب کرانے میں اہم ذمہ داری نبھائی، لیکن چونکہ انھوں نے پورے عالمی کپ میں اچھی کارکردگی کا مظاہرہ کیا اور ان کی پیدائش نیوزی لینڈ کے کرائسٹ چرچ میں ہوئی تھی، اس لیے انھیں ’نیوزی لینڈر آف دی ائیر‘ کے لیے نامزد کیا گیا ہے۔ قابل ذکر ہے کہ ’نیوزی لینڈر آف دی ائیر‘ ایوارڈ کے لیے نیوزی لینڈ کے کپتان کین ولیمسن کو بھی نامزد کیا گیا ہے۔

سون بھدر میں گولی باری میں ہلاک شدگان کے اہل خانہ سے پرینکا آج کریں گی ملاقات

17 جولائی کو اراضی تنازعہ معاملہ میں ہوئی گولی باری میں 10 لوگ ہلاک ہوئے تھے جن کے گھر والوں سے ملاقات کرنے آج پرینکا گاندھی سون بھدر پہنچیں گی۔ میڈیا ذرائع کے مطابق کانگریس جنرل سکریٹری پرینکا گاندھی مہلوکین کے اہل خانہ سے ملاقات کریں گی اور ان کے غم میں شریک ہوں گی۔

بہار: مویشی چوری کے شک میں 2 لوگوں کی موب لنچنگ

بہار میں 19 جولائی کی صبح سویرے دو لوگوں کی کچھ لوگوں نے پیٹ پیٹ کر ہلاک کر دیا۔ موب لنچنگ کا یہ واقعہ سارن ضلع کے بنیا پور میں پیش آیا جس کے بعد علاقے میں کشیدگی پھیل گئی ہے۔ موصولہ اطلاعات کے مطابق مقامی لوگوں نے مویشی چوری کے شک میں دو لوگوں کی زبردست پٹائی کر دی جس کی وجہ سے دونوں افراد کی موت ہو گئی۔ پولس نے دونوں کی لاش قبضہ میں لے کر پوسٹ مارٹم کے لیے بھیج دیا ہے اور پورے معاملے کی جانچ شروع ہو گئی ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-