این آر سی: مرکز اور آسام کی درخواست پر 23 جولائی کو سماعت
نئی دہلی: سپریم کورٹ آسام میں قومی شہری رجسٹر (این آر سی) کو آخری شکل دینے کے لئے مقررہ وقت کو بڑھانے کے مرکزی اور ریاستی حکومت کی درخواست پر 23 جولائی سماعت کرے گا۔
مرکز ی اور آسام کی حکومت نے جمعہ کو عدالت سے این آر سی کو حتمی شکل دینے کے لئے طے شدہ آخری تاریخ (31 جولائی) کو بڑھانے کی درخواست کی۔ دونوں حکومتوں نے چیف جسٹس رنجن گگوئی اور جسٹس روہنگٹن ایف نریمن کی بینچ کے سامنے کہا کہ ہندوستان کو دنیا کے پناہ گزینوں کی راجدھانی بننے نہیں دیا جاسکتا۔
دونوں نے این آر سی میں شامل شہریوں کے نمونے کی توثیق بھی درخواست کی ہے۔ مرکز اور ریاستی حکومت کی طرف سے پیش ہونے والے سالیسٹر جنرل تشار مہتا نے کہا کہ بنگلہ دیش کے ساتھ متصل اضلاع میں مقامی حکام کی ساز باز کی وجہ سے لاکھوں لوگوں کو غلط طریقے سے آسام قومی شہری رجسٹر میں شامل کیا گیا ہے۔
مسٹر مہتا نے دلائل دیئے کہ غلط طریقے سے بعض لوگوں کو شامل کئے جانے اور کچھ لوگوں کو اس سے باہر رکھے جانے کا پتہ لگانے کے لئے 20 فیصد نمونہ سروے کی تصدیق کرنے کی اجازت دی جانی چاہیئے۔ انہوں نے کہا، ’’ہمیں این ٓارسی شامل میں ملوث لوگوں کے لئے نمونے کی توثیق کے عمل پر پھر سے غور کرنے کی ضرورت ہے۔ عدالت نے مرکزی اور ریاستی حکومت کی درخواست پر غور کرنے کے لئے 23 جولائی کی تاریخ کی مقر کی ہے۔
یوگی کی پولس نے پرینکا گاندھی کو سون بھدر جانے سے روکا
کانگریس جنرل سکریٹری پرینکا گاندھی کو پولس نے مرزا پور واقع نارائن پور میں اس وقت روک لیا جب وہ سون بھدر جا رہی تھیں۔ دراصل پرینکا گاندھی سون بھدر میں اراضی تنازعہ کے دوران 17 جولائی کو ہوئی فائرنگ میں ہلاک شدگان کے گھر والوں سے ملنے کے لیے جا رہی تھیں جب انھیں نارائن پور پولس چوکی کے پاس روک لیا گیا۔ یوگی کی پولس کے اس قدم سے ناراض پرینکا اپنے حامیوں کے ساتھ وہیں دھرنے پر بیٹھ گئیں جس کے بعد پولس نے انھیں حراست میں لے لیا اور گاڑی سے کسی دوسری جگہ کے لیے روانہ ہو گئے۔ اس درمیان میڈیا سے بات کرتے ہوئے پرینکا گاندھی نے کہا کہ مجھے کہاں لے جایا جا رہا ہے یہ معلوم نہیں لیکن میں ان کے ساتھ جا رہی ہوں۔
Priyanka Gandhi Vadra in Narayanpur on if she has been arrested: Yes, we still won't be cowed down. We were only going peacefully to meet victim families(of Sonbhadra firing case). I don't know where are they taking me, we are ready to go anywhere.' pic.twitter.com/q1bwkucl0g
— ANI UP (@ANINewsUP) July 19, 2019
انگلینڈ کے آل راؤنڈر بین اسٹوکس ’نیوزی لینڈر آف دی ائیر‘ ایوارڈ کے لیے نامزد
عالمی کپ کے فائنل میچ میں مین آف دی میچ سے نوازے گئے انگلینڈ کے آل راؤنڈر بین اسٹوکس کو ’نیوزی لینڈر آف دی ائیر‘ ایوارڈ کے لیے نامزد کیا گیا ہے۔ جی ہاں، یہ حیران کرنے والی بات اس لیے ہے کیونکہ انھوں نے انگلینڈ کو فتحیاب کرانے میں اہم ذمہ داری نبھائی، لیکن چونکہ انھوں نے پورے عالمی کپ میں اچھی کارکردگی کا مظاہرہ کیا اور ان کی پیدائش نیوزی لینڈ کے کرائسٹ چرچ میں ہوئی تھی، اس لیے انھیں ’نیوزی لینڈر آف دی ائیر‘ کے لیے نامزد کیا گیا ہے۔ قابل ذکر ہے کہ ’نیوزی لینڈر آف دی ائیر‘ ایوارڈ کے لیے نیوزی لینڈ کے کپتان کین ولیمسن کو بھی نامزد کیا گیا ہے۔
Ben Stokes nominated for New Zealander of the Year
Read @ANI Story | https://t.co/OzGsPkb2px pic.twitter.com/QLj3Zphy1j
— ANI Digital (@ani_digital) July 19, 2019
سون بھدر میں گولی باری میں ہلاک شدگان کے اہل خانہ سے پرینکا آج کریں گی ملاقات
17 جولائی کو اراضی تنازعہ معاملہ میں ہوئی گولی باری میں 10 لوگ ہلاک ہوئے تھے جن کے گھر والوں سے ملاقات کرنے آج پرینکا گاندھی سون بھدر پہنچیں گی۔ میڈیا ذرائع کے مطابق کانگریس جنرل سکریٹری پرینکا گاندھی مہلوکین کے اہل خانہ سے ملاقات کریں گی اور ان کے غم میں شریک ہوں گی۔
Priyanka Gandhi Vadra, Congress General Secretary for Uttar Pradesh (East), to visit Sonbhadra today to meet the family members of those who were killed in firing over a land dispute on July 17. (File pic) pic.twitter.com/TtcGAtpC6S
— ANI UP (@ANINewsUP) July 19, 2019
بہار: مویشی چوری کے شک میں 2 لوگوں کی موب لنچنگ
بہار میں 19 جولائی کی صبح سویرے دو لوگوں کی کچھ لوگوں نے پیٹ پیٹ کر ہلاک کر دیا۔ موب لنچنگ کا یہ واقعہ سارن ضلع کے بنیا پور میں پیش آیا جس کے بعد علاقے میں کشیدگی پھیل گئی ہے۔ موصولہ اطلاعات کے مطابق مقامی لوگوں نے مویشی چوری کے شک میں دو لوگوں کی زبردست پٹائی کر دی جس کی وجہ سے دونوں افراد کی موت ہو گئی۔ پولس نے دونوں کی لاش قبضہ میں لے کر پوسٹ مارٹم کے لیے بھیج دیا ہے اور پورے معاملے کی جانچ شروع ہو گئی ہے۔
Bihar: Two people were beaten to death by locals in Baniyapur, Saran on suspicion of cattle theft, today morning. Bodies sent for postmortem by police, investigation underway.
— ANI (@ANI) July 19, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-