اہم خبر: مہاراشٹر کے دھولے واقع کیمیکل فیکٹری میں دھماکہ، 10 افراد ہلاک، 43 زخمی

مہاراشٹر کے دھولے واقع کیمیکل فیکٹری میں دھماکہ، 10 افراد ہلاک، 43 زخمی

مہاراشٹر کے دھولے واقع ایک کیمیکل فیکٹری میں دھماکہ ہوا ہے، میڈیا ذارئع کے مطابق اس حادثے میں کم از کم 10 لوگوں کے مرنے کی خبر ہے جبکہ 43 لوگ شدید طور پر زخمی ہوئے ہیں، زخمیوں کو علاج کے لئے قریبی اسپتال میں داخل کرایا گیا ہے۔ دھماکے کے بعد بھڑکی آگ پر قابو پانے کی کوششیں جاری ہیں۔

فیکٹری میں ہوئے اس دھماکہ سے علاقے میں افراتفریح مچ گئیِ، موقع پر فیکٹری کے افسران اور ملازمین کے علاوہ مقامی لوگ اور فائر بریگیڈ کے ملازمین امدادی کام میں مصروف ہیں۔

این آر سی: حتمی فہرست جاری، 19 لاکھ لوگوں کا نام غائب

این آر سی کی حتمی فہرست آج جاری کر دی گئی اور اس فہرست میں 19 لاکھ 6 ہزار 657 لوگوں کا نام شامل نہیں ہے۔ کل 3 کروڑ 11 لاکھ 21 ہزار 4 افراد کا نام تازہ این آر سی فہرست میں شامل کیا گیا ہے۔ جن لوگوں کا نام اس فہرست میں شامل ہیں ان سے کہا گیا ہے کہ اگر انھیں کوئی اعتراض ہے تو وہ بیرون ملکی ٹریبونل، پریٹیز ہیزیلا، آسام کو آرڈینیشن، این آر سی کے سامنے اپیل داخل کر سکتے ہیں۔

پاکستان: خیبر پختونخوا میں اندوہناک سڑک حادثہ، ایک ہی کنبہ کے 24 افراد ہلاک

پاکستان کے خیبر پختونخوا علاقہ میں ایک مسافر بس نالہ میں گر گیا جس میں کم از کم 24 لوگوں کی موت ہو گئی۔ نیوز انٹرنیشنل نے اس سلسلے میں ایک رپورٹ شائع کی ہے جس میں بتایا گیا ہے کہ بس میں خواتین اور بچے سمیت 35 مسافر تھے اور یہ بس جمعہ کے روز کوہستان ضلع میں ایک نالے میں گر گئی۔ پتہ چلا ہے کہ سبھی مسافر ایک ہی کنبہ سے تھے اور ایک تقریب میں شامل ہونے جا رہے تھے۔ واقعہ کے اسباب کا پتہ لگایا جا رہا ہے۔

پاکستان میں اغوا کر جبراً مذہب تبدیل کی گئی سکھ لڑکی گھر واپس، 8 گرفتار

پاکستان میں گزشتہ دنوں ایک سکھ لڑکی کا اغوا کیا گیا تھا اور میڈیا میں اس طرح کی خبریں آئی تھیں کہ اس کا جبراً مذہب تبدیل کر دیا گیا ہے۔ میڈیا ذرائع کے مطابق اسے اسلام مذیب قبول کرنے کے لیے مجبور کیا گیا۔ تازہ ترین خبروں کے مطابق وہ سکھ لڑکی واپس گھر آ گئی ہے۔ اس سلسلے میں پنجاب کی ننکانہ صاحب پولس نے آٹھ لوگوں کو گرفتار بھی کیا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-