علی گڑھ: سڑکوں کی جگہ نمازِ جمعہ چھتوں پر پڑھنے کا فیصلہ
علی گڑھ شہر کے مفتی محمد خالد حمید نے شہر کے سبھی مساجد کی انتظامیہ کو سڑکوں کی جگہ مسجدوں کی چھت پر جمعہ کی نماز ادا کرانے سے متعلق انتظام کرنے کی ہدایت دی ہے۔ اس فیصلے سے دو طبقات کے درمیان ٹکراؤ ختم ہو سکتا ہے۔ مسلم طبقہ کے اراکین کے ضلع انتظامیہ افسران سے ملاقات کے بعد شہر مفتی کا یہ اعلان سامنے آیا ہے۔ پچھلے دنوں ضلع انتظامیہ نے سڑکوں پر سبھی مذہبی سرگرمیوں پر پابندی عائد کر دی تھی۔
مفتی محمد خالد حمید نے میڈیا سے بات چیت کرتے ہوئے کہا کہ سڑکوں پر نماز ادا کرنے کا کوئی انتظام نہیں ہے، لیکن کبھی کبھی لوگ مسجد کے اندر جگہ کی کمی کے سبب ایسا کرتے ہیں۔ انھوں نے کہا کہ ’’میں نے سبھی مسجدوں کے انتظامیہ کو اس بارے میں مطلع کرا یا ہے اور ضرورت پڑنے پر انھیں چھت پر انتظام کرنا ہوگا۔‘‘ مفتی حمید نے یہ بھی کہا کہ ’’عید اور عیدالاضحیٰ جیسے خاص موقع پر لوگ جامع مسجد اور عیدگاہ کے برابر سڑکوں پر نماز ادا کر سکتے ہیں کیونکہ مسجد میں زبردست بھیڑ کے مدنظر جگہ کم پڑ جاتی ہے۔‘‘
36 گھنٹے بعد کیفے کافی ڈے کے مالک کی لاش نیتراوتی ندی سے برآمد
مشہور کیفے چین سی سی ڈی یعنی کیفے کافی ڈے کے بانی وی جی سدھارتھ پچھلے 36 گھنٹے سے لاپتہ تھے، اور اب ان کی لاش کرناٹک کے منگلورو واقع نیتراوتی ندی کے کنارے سے برآمد ہوئی ہے۔ سدھارتھ سابق وزیر اعلیٰ ایس ایم کرشنا کے داماد تھے۔ خبروں کے مطابق مقامی مچھواروں کو لاش ندی کے کنارے تیرتی ہوئی نظر آئی جسے نکال کر انھوں نے پولس کو اطلاع دی۔
Mangaluru Police Commissioner Sandeep Patil: We found the body early morning today. It needs to be identified, we have already informed the family members. We are shifting the body to Wenlock Hospital. We will continue further investigation. #Karnataka pic.twitter.com/bViP94Mpit
— ANI (@ANI) July 31, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-