خلیل گرکر مراٹھی پترکار سنگھ کے پہلے مسلم جوائنٹ سکریٹری مقرر
ممبئی میں مراٹھی صحافیوں کی قدیم تنظیم مراٹھی پترکار سنگھ کے جوائنٹ سکریٹری کے طور پر پہلی مرتبہ کسی مسلم نوجوان کو مقررکیا گیاہے۔ مراٹھی روزنامہ لوک مت کے سنئیر صحافی خلیل گر کر کو مراٹھی پترکار سنگھ کے صدر نریندر دامبلے نے جوائنٹ سکریٹری کے عہدہ پر تعینات کیا ہے۔ خلیل گر کر کو دو سال کے لئے یہ عہدہ تفویض کیا گیا ہے۔ مراٹھی پترکار سنگھ کی تاریخ میں کسی مسلم نوجوان کو پہلی مرتبہ اتنی بڑی ذمہ داری دی گئی ہے۔ گرکر کا تعلقہ خطۂ کوکن سے ہے اور وہ مسلم اکثریتی شہر ممبرا سے بھی تعلق رکھتے ہیں خلیل نے انتہائی قلیل مدت میں صحافتی میدان میں اپنی ایک علیحدہ شناخت قائم کی ہے اس لئے انہیں مسلم حلقوں اور ان کے دوست واحباب سے مبارکباد بھی موصول ہو رہی ہے۔
طالبہ سے عصمت دری کیس میں قصوروار آسا رام کو ضمانت دینے سے سپریم کورٹ کا انکار
سپریم کورٹ نے عصمت دری کیس میں قصوروار آسا رام کو ضمانت دینے سے منع کر دیا ہے۔ سپریم کورٹ نے کہا کہ مقدمے کو پہلے مکمل کرنے کی ضرورت ہے۔ عدالت نے گجرات کی ٹرائل کورٹ سے معاملے کی سماعت مکمل کرنے کے لیے کہا ہے۔ غور طلب ہے کہ اتر پردیش کے شاہجہاں پور کی طالبہ سے عصمت دری کیس کے معاملے میں آسا رام کو جودھپور عدالت نے قصوروار قرار دیا تھا۔ اس کے بعد سے آسا رام کو جودھپور کی سنٹرل جیل میں رکھا گیا ہے۔ اس معاملے میں گرفتاری کے بعد سے اب تک آسا رام کو ضمانت نہیں ملی ہے۔
Supreme Court refuses to grant bail to Asaram in sexual assault case against him. SC says the trial needs to be completed first & also asked the trial court in Gujarat to complete the trial in the case. pic.twitter.com/SiMXOrG3nr
— ANI (@ANI) July 15, 2019
مسلم مذہب میں 50 عورتوں کو رکھنے اور 1050 بچے پیدا کرنے کی روایت: بی جے پی رکن اسمبلی
اتر پردیش کے بلیا سے بی جے پی رکن اسمبلی سریندر سنگھ نے مسلم طبقہ کو لے کر ایک انتہائی متنازعہ بیان دیا ہے۔ اپنے بیانات کو لے کر اکثر تنازعہ میں رہنے والے سریندر سنگھ نے مسلم طبقہ پر آبادی میں اضافہ کرنے کا الزام عائد کیا۔ انھوں نے کہا کہ ’’مسلم مذہب میں 50 عورتوں کو رکھنے اور 1050 بچوں کو پیدا کرنے کی روایت ہے۔‘‘ ساتھ ہی انھوں نے یہ بھی کہا کہ ’’یہ کوئی روایت نہیں ہے بلکہ جانوروں والی خصلت ہے۔‘‘
#WATCH Surendra Singh, BJP MLA from Ballia: In Muslim religion, you know that people keep 50 wives and give birth to 1050 children. This is not a tradition but an animalistic tendency. (14.07.2019) pic.twitter.com/i3AJa9ZSxw
— ANI UP (@ANINewsUP) July 15, 2019
ہماچل پردیش: کمہار ہٹی میں عمارت کے ملبہ سے اب تک 7 لاشیں برآمد، راحت کاری جاری
ہماچل پردیش کے کمہارہٹی میں ایک عمارت کے زمین دوز ہونے کے بعد آج دوسرے دن راحت کاری کا کام جاری ہے۔ اب تک فوج کے 6 جوانوں سمیت 7 لوگوں کی لاشیں برآمد کی جا چکی ہیں۔ ملبے کے نیچے 7 مزید لوگوں کے دبے ہونے کا اندیشہ ہے۔ اس عمارت میں ڈھابہ تھا۔ اتوار کو یہ عمارت اچانک زمین دوز ہو گئی تھی۔ عمارت میں موجود تقریباً 30 جوان اور 7 شہرہ ملبے میں دب گئے تھے۔
Himachal Pradesh Chief Minister Jai Ram Thakur visits the building collapse site in Solan. Around 17 Army personnel & 11 civilians rescued so far. 6 Army & 1 civilian casualties reported, 7 Army personnel are still feared trapped. pic.twitter.com/d713ic3T4j
— ANI (@ANI) July 15, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-