اٹلی سے دہلی آئے 15 سیاحوں میں کورونا وائرس کی تصدیق
اٹلی سے دہلی آئے 15 سیاحوں میں کورونا وائرس کی تصدیق ہونے کے بعد ہنگامہ برپا ہو گیا ہے۔ دہلی واقع ایمس نے ان سیاحوں میں کورونا وائرس کی تصدیق کی ہے۔ ان سیاحوں کو ہندوستان آنے کے بعد سے ہی الگ رکھا گیا تھا۔ سیاحوں کے خون کا نمونہ جانچ کے لیے بھیجا گیا تھا جس کی رپورٹ آ چکی ہے اور اب سبھی 15 سیاحوں کو چھاؤلہ کے آئی ٹی بی پی کیمپ میں رکھا گیا ہے۔ خبروں کے مطابق ان سیاحوں کو منگل کی دوپہر سے آئسولیشن میں رکھا گیا ہے۔
اتر پردیش: میرٹھ میں سوائن فلو کے 81 معاملے آئے سامنے
میرٹھ کے چیف میڈیکل افسر نے اپنے ایک بیان میں کہا ہے کہ ’’میرٹھ میں سوائن فلو کے 81 معاملے سامنے آئے ہیں، اس میں پی اے سی کے جو جوان بھرتی تھے ان میں سے 11 کو ڈسچارج کر دیا گیا ہے جب کہ 9 اب بھی علاج کرا رہے ہیں۔ میرٹھ میڈیکل کالج میں کل 387 جانچ ہوئی ہیں، جن میں سے 97 معاملے پازیٹو آئے، ان میں سے 81 میرٹھ کے ہیں باقی آس پاس کے اضلاع کے ہیں۔‘‘
CMO Meerut: Till now, 81 patients have tested positive for Swine Flu in Meerut including 20 PAC jawans. 11 PAC jawans have been discharged from the hospital while other 9 PAC jawans will be discharged after 5 days. Till now, 387 people have been tested for Swine Flu. pic.twitter.com/CEU6iCwBlM
— ANI UP (@ANINewsUP) March 4, 2020
مدھیہ پردیش: بی جے پی پر کئی کانگریس اراکین اسمبلی کو یرغمال بنانے کا الزام
مدھیہ پردیش میں بی جے پی پر جمہوریت کے قتل کی سازش کرنے کا الزام عائد کیا جا رہا ہے۔ کانگریس کا کہنا ہے کہ بی جے پی نے تقریباً 8 اراکین اسمبلی کو یرغمال بنا لیا ہے۔ ان اراکین اسمبلی میں 4 کانگریس کے ہیں اور ایک آزاد ہے، جب کہ دیگر اراکین اسمبلی سماجوادی پارٹی اور بہوجن سماج پارٹی سے ہیں۔ کانگریس لیڈر دگ وجے سنگھ کا اس سلسلے میں کہنا ہے کہ ’’تقریباً 11 لوگوں کو بی جے پی نے یرغمال بنا کر ایک ہوٹل میں رکھا تھا جن میں سے کچھ واپس آ گئے ہیں۔ باقی اراکین اسمبلی بھی جلد واپس آ جائیں گے۔‘‘
Digvijaya Singh, Congress: BJP's Rampal Singh, Narottam Mishra, Arvind Bhadauria, Sanjay Pathak were going to give them money. Had there been a raid, they would have been caught…We think 10-11 MLAs were there, only 4 are still with them now, they will also come back to us.
— ANI (@ANI) March 3, 2020
کورونا وائرس کے خوف سے لوگ ہولی پر نہیں خرید رہے چین کا سامان
اتر پردیش کے غازی آباد میں کورونا وائرس کا خوف اس قدر لوگوں پر طاری ہے کہ وہ ہولی کا کوئی بھی ایسا سامان نہیں خرید رہے ہیں جو چین میں تیار ہوا ہو۔ چین کے سامانوں سے لوگوں نے ایسی دوری بنائی ہے کہ بازار سے چینی مصنوعات غائب نظر آ رہی ہیں۔ خریدار لوکل پروڈکٹس ہی خریدنا پسند کر رہے ہیں۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو