اورنگ آباد : آج دو نوجوان چلتی موٹر سائیکل پر ریل بناتے ہوئے حادثہ کا شکار ہو گئے۔ حادثے میں ایک کی موقع پر ہی موت ہو گئی، جبکہ دوسرا شدید زخمی ہو گیا۔ یہ حادثہ دھولیہ -شولاپور ہائی وے پر بیڑ بائی پاس پر پیش آیا۔
चलती बाइक पर रील बनाने के दौरान दो युवकों का एक्सीडेंट हो गया. हादसे में एक की मौके पर ही मौत हो गई, जबकि एक गंभीर रुप से घायल है. ये हादसा धुले-सोलापुर हाईवे पर बीड बाईपास पर हुआ.#Reel | #Viral | #Accident pic.twitter.com/nMpFa2GtYJ
— NDTV India (@ndtvindia) July 6, 2024
سوشل میڈیا پر ریلز اپ لوڈ کرنے کا جنون بہت بڑھ گیا ہے۔ لیکن حال ہی میں اس طرح کے کئی کیسز سامنے آئے ہیں، جب ریل بناتے ہوئے کئی لوگ جان سے ہاتھ دھو بیٹھے۔ ایسا ہی ایک اور معاملہ مہاراشٹر سے سامنے آیا ہے، جہاں ریل بناتے ہوئے ایک شخص کی موت ہو گئی۔
دراصل دو نوجوان بائک پر جا رہے تھے اور ویڈیو بناتے ہوئے ان کی بائک حادثہ کا شکار ہو گئی اور ایک شخص کی موقع پر ہی موت ہو گئی۔ واقعے کی ویڈیو بھی سوشل میڈیا پر سامنے آئی ہے جو کافی وائرل ہورہی ہے۔
بتایا جا رہا ہے کہ یہ معاملہ مہاراشٹر کے دھولے- سولاپور ہائی وے کا ہے۔ وائرل ہونے والی ویڈیو میں دیکھا جا سکتا ہے کہ دو نوجوان ہائی وے پر موٹر سائیکل پر جا رہے تھے کہ موٹر سائیکل کے پیچھے بیٹھا شخص ویڈیو بنانا شروع کر دیتا ہے۔ اس کے بعد موٹر سائیکل پر سوار دوسرا شخص ویڈیو میں پوز دینے کے لیے موبائل کیمرے کی طرف پیچھے کی طرف دیکھتا ہے۔
ایسے میں کیمرے پر فوکس ہونے کی وجہ سے موٹر سائیکل حادثے کا شکار ہو جاتی ہے۔ اس ویڈیو کو بہت تیزی سے شیئر کیا جا رہا ہے اور ریلوں کے پاگل پن کو لے کر ایک بار پھر تبصرے کیے جا رہے ہیں۔