چوری کے معاملے میں سید گڈ و کے دوساتھی گرفتار
ناندیڑ:5ڈسمبر(ورق تازہ نیوز)چوری معاملے کی معلومات کی اشاعت نہ کرنے اوراسے چھپائے رکھنے کےلئے فی کس 50ہزار روپے لینے والے دوافراد کو چوتھے ایڈیشنل چیف جوڈیشیل مجسٹریٹ نے چھ ڈسمبر تک پولس کسٹڈی میں رکھنے کاحکم دیا ہے۔4ستمبر کو سبکدوش انجینئر لکشمن راو وینکٹ شیٹی بھرڈے کے سنمتر کالونی میں واقع مکان میں داخل ہوکر چوروں نے تجوری اٹھالی تھی ۔
جس میںآٹھ لاکھ روپے ‘سونے چاندی کے زیورات سمیت 51لاکھ 86ہزار6 روپیوں کامال تھااس معاملے کا ملزم سید نجیب الدین عرف گڈو سید منیر الدین فی الحال ایک معاملے میں پولس کسٹڈی میں ہے ۔گڈو کے ساتھ اُس دن ربط میں رہنے والے اور بعد میں مستقل ربط میں رہے محمدآصف محمد ابراہیم ‘عمر 29 سال ساکن گلی نمبر 9 پیربرہان نگرناندیڑ اور محمدجاوید چاوس سعداللہ چاوس ساکن راہول کالونی تروڑابزرگ کو بھاگیہ نگر پولس نے 4ڈسمبر کی شب گرفتار کرلیا تھا ۔پولس نے دونوں ملزمین کو عدالت میں پیش کیا۔
سرکاری وکیل نے کہاکہ چوری کے معاملے کوچھپائے رکھنے کے لئے دونوں گرفتار ملزمین کو فی کس 50ہزا ر روپے دئےے گئے تھے اس رقم کودونوں سے ضبط کرنا ہے جس کے لئے پولس کسٹڈی ضروری ہے ۔جج نے اس بحث کے بعد دونوں ملزمین کو6 ڈسمبر تک پولس کسٹڈی میں بھیج دیا ۔
ہلال نگر‘دیگلورناکہ ‘حیدرآبادروڈ پر کارپوریشن نے املاک کوسل کردیا
ناندیڑ:ناندیڑ:5ڈسمبر(ورق تازہ نیوز)ناندیڑواگھالہ شہرمیونسپل کارپوریشن نے زون نمبر 5اتوارہ حدود کے املاک مالکان سے ٹیکس وصولی کیلئے خصوصی ضبطی دستہ تشکیل دیا گیا ہے ۔اس دستہ نے آج 5ڈسمبر کوہلال نگر ‘حیدر آباد روڈ علاقہ کے املاک نمبر 9-5-924ار 9-5-924/1 کے پاس گئے تھے جن سے پانچ لاکھ 31ہزار980 روپے وصول طلب تھے اسل سیدی فنکشن ہال میں موجود بوم ٹیک ملٹی سروسیس دوکان کوسل کردیاگیا۔یہ کاروائی میونسپل کمشنر ‘ ڈپٹی کمشنر (محصول) کی رہنمائی میں زونل دفتر پانچ اتوارہ کے اسسٹنٹ کمشنر ڈاکٹر محمدرئیس الدین کی قیادت میں ضبطی دستہ کے چیف شری توٹاوار‘جی جی ‘عبدالحبیب ‘وصولی کلرک سریندر جوندھڑے و سپاہی روی بنسوڑے ‘دتا گھنٹے نے انجام دی ۔
مسابقتی امتحانات میں کامیابی کے لئے مطالعے کی صحیح تکنیک اپنانی چاہئے: رہائشی ڈپٹی کلکٹرڈاکٹر سچن کھلاڑ
ناندیڑ: 5ڈسمبر(ورق تازہ نیوز) اگر آپ مسابقتی امتحانات میں کامیاب ہونا چاہتے ہیں تو طلباء کو مطالعے کی صحیح تکنیک اپنانا ہوگی اور اگر آپ اہداف طے کرتے ہیں اور صحیح طریقے سے پریکٹس کرتے ہیں تو مسابقتی امتحانات کی اس لڑائی میں کامیابی کو یقینی بنایا جائے گا۔ضلع انتظامیہ کے زیر اہتمام اجول ناندیڑ مہم کے تحت ہرماہ 5 تاریخ کو منعقدہ مسابقتی امتحان گائڈنس کیمپ میں طلباءکی وہ رہنمائی کررہے تھے۔ اس موقع پرشہ نشین پرلکچرر سچن دھولے اور ڈسٹرکٹ لائبریرین افسر آشیش ڈھوک اور بلونت ورڈے موجود تھے۔تعارف اور مذاکرہ کی تفصیل ڈسٹرکٹ لائبریرین آفیسر آشیش ڈھوک نے کروایا۔ اس کیمپ میں پروفیسر سچن دھوڑے نے ریاضی اور ذہانت کے بارے میں تفصیلی رہنمائی کی۔ آرتی کوکلوار نے پروگرام کی نظامت کی اور آخر میں شکریہ ادا کیا ۔کیمپ کے کامیاب انعقاد میں پرتاپ سوریاونشی ، بالو پاوڑے ، کونڈیبا گادیواڑ ، رگھوویرنے اہم رول ادا کیا ۔
ربیع سیزن کی فصلوں کے لئے وزیر اعظم فصل انشورنس اسکیم ‘31 دسمبر کی آخری تاریخ
ناندیڑ: 5ڈسمبر(ورق تازہ نیوز) وزیر اعظم فصل انشورنس اسکیم میں ریاست میں ربیع سیزن 2019-20 کو نافذ کرنے کا فیصلہ کیا گیا ہے۔ وزیر اعظم فصل کی انشورنس اسکیم مقروض کسانوں اور طے شدہ علاقے کے کسانوں کے لئے واجب ہے اور غیر مقروض کسانوں کیلئے اختیاری ہیں۔ بیمہ ادا کرنے کی آخری تاریخ منگل 31 دسمبر 2019 ہے۔ ڈسٹرکٹ سپرنٹنڈنٹ زراعت ناندیڑ نے مزید معلومات کے لئے بینک یا قریبی تعلقہ زرعی افسر سے ربط قائم کرنے کی اپیل کی ہے۔اس اسکیم کے تحت اصل انشورنس پریمیم وصول کیا جائے گا اور فصل کے لئے ربیع سیزن فصلوں کیلئے 1.5 فیصد رکھا گیا ہے۔ اس اسکیم کے تحت سروے کی فصل کے لئے خطرے کی سطح 70 فیصد مقرر کی گئی ہے۔ فصلوں کی تخم ریزی سے نکالنے کی معیاد تک قدرتی آگ ، بجلی گرنا‘ ژالہ باری‘ سمندری طوفان ، ، سیلاب ، خشک سالی ، بارش ، کیڑوں اور بیماریوں وغیرہ کی وجہ سے فصلوں میں ہونے والی کمی‘فصل نکالنے کے دوران نقصان وغیرہ خطرات کواسکیم میں شامل کیاگیا ہے ۔ ناندیڑ ضلع میں گیہوں (با) ، جواری ‘ چنا فصلوں کیلئے اسکیم نافذرہے گی ۔
آیوش مان بھارت پردھان منتری اور مہاتماجیوتی باپھلے اسکیمات کے جائزہ اجلاس کاانعقاد
ناندیڑ:5ڈسمبر(ورق تازہ نیوز)آیوش مان بھارت پردھان منتری جن آروگیہ یوجنا اور مہاتما جیوتی باپھلے جن آروگیہ یوجنا کے ضمن میں آج ضلع کلکٹر ارون ڈونگرے کی زیر صدارت ضلع کلکٹردفتر میں تمام منسلک اسپتالوں کے اجلاس کاانعقاد عمل میں آیا ۔اجلاس میںرہائشی ڈپٹی کلکٹر ڈاکٹر سچن کھلاڑ ، ڈسٹرکٹ سرجن نمائندہ ڈاکٹر ساکھرے ، ڈسٹرکٹ کوآرڈینیٹر ، پردھان منتری جن آروگیہ یوجنا اور مہاتما جیوتی با پھولے جن آروگیہ یوجنا‘ دیپش کمار شرما ، تمام وابستہ اسپتال انتظامیہ ، دیگر افسران اور عملہ موجود تھا۔ ناندیڑ ضلع میں 2 جولائی 2012 کو مہاتما جیوتی باپھلے جنا آروگیہ یوجنا کو شروع کیا گیا ہے۔ نیز ،آیو ش مان بھارت پردھان منتری آروگیہ یوجنا 23 ستمبر ، 2018 سے نافذ کی گئی ہے اور اس اسکیم کے تحت ، 23 ستمبر 2018 تک ، فائدہ اٹھانے والوں کو 20 ہزار 528 آپریشن اور دوائیں مستحقین کو مل چکی ہیں۔ اس اسکیم کے تحت ضلع ناندیڑ کے 12 اسپتالوں نے ڈائلیسس کے لئے 5 ہزار 930 ، کینسر کے 4 ہزار 323 ، حادثے کے مریضوں کے لئے 3 ہزار 553 ، امراض قلب کے لئے 2 ہزار 639 ، اور علاج و سرجری کے لئے 42 کروڑ 99 لاکھ 72 کی رقم بیمہ کے طور پر ادا کی گئی ہے ۔ یہ اسکیم غریب اور معاشی طور پر کمزور خاندانوں کے علاج معالجے کے لئے نافذ کی گئی ہے۔ مہاتما جیوتی با پھلے جن صحت اسکیم ، میں 971 اورآیوش مان اسکیم کے تحت 1 ہزار 300 مختلف اور 1300مختلف بیماریوں کا علاج اور معالجہ کیا جارہا ہے۔ مہاتما جیوتی با پھلے جن آروگیہ یوجنا کے مستفید افراد کے پاس کیسری ، پیلے رنگ ، اننا پورنا ، اننت اودیہ اور کسان خاندانوں کےلئے سفید رنگ کا راشن کارڈاور آیوش مان اسکیم کے مستحیقن کے پاس ای کارڈ ہونا چاہئے۔بدلتے طرز زندگی کے ساتھ ، روز مرہ کی بیماری کا پھیلاو¿ بڑھتا ہی جارہا ہے۔ لیکن چونکہ آپریشن اور ادویات کی لاگت تمام عام شہریوں کی رسائی سے باہر ہے ، اس لئے مریضوں کی نظر میں مرکزی حکومت مذکورہ آیوش مان پردھان منتری اسکیم اورریاستی حکومت کی مہاتماجیوتی باپھلے اسکیم کافی اہمیت رکھتی ہے ۔