ناندیڑ:21/ جنوری ۔( ورقِ تازہ نیوز)گھر کے اسٹور روم میں شارٹ سرکٹ کے باعث آگ لگ گئی۔ اس آگ میں ا سٹور روم میں رکھا گیس سلنڈر پھٹ گیا۔ یہ واقعہ جمعہ کی رات 11 بجے کے درمیان ناندیڑ شہر کے سرپنچ نگر پاٹی کے قریب پیش آیا۔
نریش دربستوار کا سرپنچ نگر میں مکان ہے۔ گھر میں باپ بیٹا نیچے والے کمرے میں تھے۔ لیکن گھر کی بالائی منزل پر آگ لگنے سے کوئی جانی نقصان نہیں ہوا۔ لیکن گھر میں موجود سامان کو نقصان پہنچا ہے۔ اسٹور روم تیسری منزل پر تھا اور اس میں بیل کے کاسرے اور دیگر اسٹور کا سامان رکھا ہوا تھا۔
اس جگہ پر ایک مکمل سلنڈر بھی تھا۔ آگ شارٹ سرکٹ کی وجہ سے لگی اور کچھ دیر بعد دھواں صاف ہونے کے بعد سیلنڈر پھٹ گیا۔ دھماکا اس قدر شدید تھا کہ ا سٹور روم پر موجود ٹین شیڈ کی چادریں ٹوٹ گئیں اور سلنڈر بکھر گئے۔
شور بلند ہونے پر علاقہ مکین نیند سے جاگ اٹھے۔ اس کے بعد وہ موقع پر پہنچے اور آگ پر قابو پانے کی کوشش کی۔ کچھ ہی دیر میں فائر بریگیڈ بھی یہاں پہنچ گئی۔ آدھے گھنٹے کی کوشش کے بعد آگ پر قابو پالیا گیا۔
اس وقت بھاگیہ نگر تھانے کے پولس انسپکٹر سوریاموہن بولامواڈ، اسسٹنٹ پولیس انسپکٹر شیواجی سنگن واڈ بھی پہنچ گئے اور آگ پر قابو پانے کی کوشش کی۔ اس وقت علاقے کے شہری بڑی تعداد میں جمع تھے۔