ناندیڑ:موظف ایگریکلچرل آفسر بشیرالزماں خاں کی رحلت!
ان کے برادرِ خورد حسن الزماں خاں نے اس خبرغم کی اطلاع دیتے ہوئے کہاکہ 64سالہ بشیر الزماں خاں چند دن قبل اورنگ آباد کے ایک شادی کی تقریب میں شرکت کیلئے گئے ہوئے تھے ۔ وہیں ان کے دل پرشدید حملہ ہوااورانھیں فوری بجاج ہاسپٹل میں شریک کیاگیا ۔ڈاکٹروں نے ان کی اوپن ہارٹ سرجری کی تھی لیکن پندر ہ دن بعد وہ اپنے مالک حقیقی سے جاملے ۔
اُن کے والد مرحوم محمدمحبوب خاں ناندیڑ کی عدالت میں سب رجسٹرار تھے جن کاشمار ناندیڑ کے ذی اثر اور معزز شخصیات میں ہوتاتھا ۔بشیرالزماں خاں کے پسماندگان میں اہلیہ اورتین بیٹے ہیں ۔ مرحوم ایک شریف النفس کم گفتار اور نرم گفتار ‘سادگی پسند شخص تھے ۔ ان کا مختلف علوم کا مطالعہ بھی کافی وسیع تھا لیکن وہ ہمیشہ ہجوم ‘ ہنگاموں او رشہرت سے دور ہی رہاکرتے تھے ۔ادارہ ”ورق تازہ“ کے مدیراعلیٰ محمدتقی نے اپنے تعزیتی بیان میں کہاکہ مرحوم ان کے بہت مخلص ‘بے لوث دوست تھے ۔اُن کاشمار ”ورق تازہ“ کے مداحین میں ہواکرتاتھا ۔مجھ سے جب بھی ملتے بڑے تپاک اور خلوص سے ملتے تھے ۔میری خیریت دریافت کرتے کبھی کوئی متنازعہ بات نہیں کرتے ۔مجھے بھی ان سے مل کر بڑی خوشی ہوتی ۔ وہ ایک مثبت فکر کے حامل بے ضرر انسان تھے ۔ اُن سے میر ے مراسم کوئی 35سال سے تھے ۔ رب العزت سے عا ہے کہ وہ بشیر الزماں خاں کی مغفرت کرے اُن کی قبرکوخوشبواورنور سے بھردے ۔ انھیں جنت الفردوس میں جگہ عطاءکرے لواحقین کومستقل صبر وسکون دے ۔ آمین۔
ناندیڑ:صحافی کودھمکی دینے والے کوکلوار کے حملہ آور دونوں ملزمین کو پولس کسٹڈی
ناندیڑ:ایم ایل اے شیام سندرشندے کے خلاف قانونی کاروائی کرنے کاالیکشن کمیشن کمشنرسے مطالبہ
ناندیڑ:17نومبر۔(ورق تازہ نیوز)گزشتہ ماہ منعقدہ ریاستی اسمبلی انتخابات میںناندیڑضلع کے لوہا حلقہ اسمبلی سے منتخب وظیفہ یاب آفیسر شیام سندر شندے نے پرچہ نامزدگی کے ساتھ جو حلفنامہ پیش کیاہے جس میں انکے خلاف مبینہ بدعنوانی کے جرم کی معلومات نہیں دی گئی ہے اسلئے انکے خلاف قانونی کاروائی کی جائے اس طرح کامطالبہ ریاستی چیف الیکشن کمشنرسے کیاگیا ہے ۔شیتکری کامگار پارٹی کے واحد منتخبہ رکن اسمبلی شندے ہے ۔اسکے بعدبی جے پی میں شمولیت کافیصلہ کیا ۔تھانہ کے سماجی کارکن پروین واٹے گاونکر نے شندے کے خلاف شکایت چیف الیکشن کمشنر کے پاس داخل کی ہے جس میں انکاانتخاب منسوخ کرنے اور انکے خلاف فوجداری مقدمہ درج کرنے کامطالبہ کیا ہے ۔واٹے گاونکر کے مطابق اوشیورا کے اراضی گھوٹالہ کے ضمن میں تفتیش کرنے کیلئے ہائی کورٹ کی ہدایت پرایس آئی ٹی کاقیام عمل میں آیا تھا جس کی تفتیش کے بعد اینٹی کرپشن بیورو نے سال 2017 میں انسداد رشوت ستانی ایکٹ اورتعزیرات ہند کی دفعہ کے تحت مقدمہ درج کیاگیا ہے ۔ جس میں سمیر اور پنکج بھجبل سمیت شیام سندر شندے کو ملزم بنایاگیا ہے ۔سمیر اور پنکج بھجبل نے اسمبلی انتخابات لڑاتھا جس میں دونوں نے اپنے حلفنامہ میں اس جرم کاذکر کیاتھا ۔لیکن اسی معاملے کے معاون ملزم شندے نے حالیہ اسمبلی انتخابات میں الیکشن آفیسر کے پاس داخل اپنے حلفنامہ میں مذکورہ مقدمہ کاکوئی ذکر نہیں کیا ہے ۔ اس طرح انھوں نے جرم کوچھپانے کی کوشش کی ہے ۔