ناندیڑ:رشوت لیتے ہوئے دو سرکاری ملازمین رنگے ہاتھوں گرفتار

اردھاپور:14 اگست۔(شیخ زبیر)نگر پنچایت آفس کے شادی اندراج محکمہ کے انسپکٹر سمیت دو افراد ، جو شادی رجسٹریشن سرٹیفکیٹ کے لئے 500 روپے رشوت قبول کررہے تھے ، کو انسداد رشوت ستانی محکمہ نے جمعہ کی دوپہر رنگے ہاتھوںپکڑاہے۔ اردھا پور پولیس اسٹیشن میں ان کے خلاف رشوت ستانی کا مقدمہ درج کیا گیا ہے۔ اس کارروائی نے اردھا پور نگر پنچایت میں ہلچل مچا دی ہے۔ شکایت کنندہ اپنی بہن کی شادی کا اندراج نامہ لینے کے لئے اردھا پور میں نگر پنچایت کے شادی رجسٹریشن ڈیپارٹمنٹ پہنچا۔ اس کے لئے، وہ تمام دستاویزات اپنے ساتھ لے کر تھے ۔ تاہم ، اس کام کے لئے ،رشوت خوراندراج انسپکٹر بالاجی گنپاتاو¿ ہرالے (عمر 54) نے سرٹیفکیٹ کی فیس کے طور پر 500 روپے اور بطور رشوت 500 روپے مانگے۔ تاہم ، شکایت کنندہ ، جو رشوت ادا نہیں کرنا چاہتا تھا ، ناندیڑ آیا اور انسداد رشوت ستانی دفترسے رابطہ کیا۔ 13 اگست کو شکایت درج کروائی اس کے بعد ڈپٹی سپرنٹنڈنٹ پولیس وجئے ڈونگرے کی رہنمائی میں آج جمعہ کی صبح رشوت خور کے خلاف کا جال بچھایا گیااور 500 روپے رشوت قبول کرتے ہوئے انسپکٹر شری ہرالے اور اس کے خادم بالاجی چندو پٹولے کو رنگے ہاتھوں پکڑا گیا۔