مہاراشٹر: کانگریس اور این سی پی کے درمیان ہوئی سیٹوں کی تقسیم، دو اور پارٹیاں ہوئیں ساتھ: اشوک چوہان

• مہاراشٹر میں کانگریس اور این سی پی کے بیچ سیٹوں کا بٹوارا

• دو اور پارٹیاں، ایک آزاد ایم ایل اے کی بیوی بھی ساتھ

• کانگریس 24 اور این سی پی 20 سیٹوں پر لڑیگی چناؤ

ممبئی۔ جیسے جیسے لوک سبھا چناؤ کا وقت نزدیک آتے جا رہا ہے، ملک میں سیاسی رنگ روپ لگاتار تبدیل ہوتاجا رہا ہے۔ گٹھ بندھن اور دل بدل کی سیاست عروج پر ہے۔ اسی بیچ کانگریس نے بھی مہاراشٹر میں این سی پی کے ساتھ گٹھ بندھن فائنل کر لیا ہے۔ اتنا ہی نہیں دو اور پارٹیاں اس گٹھ بندھن میں شامل ہو گئی ہیں۔ جبکہ، ایک آزاد رکن اسمبلی کی بیوی کو بھی ٹکٹ دیا گیا ہے۔

مہاراشٹر میں کانگریس 24 اور این سی پی 20 سیٹوں پر لوک سبھا چناؤ لڑیگی۔ مہاراشٹر کانگریس صدر اشوک چوہان نے میڈیا سے بات کرتے ہوئے اسکی جانکاری دی۔

Maharashtra Congress Chief Ashok Chavan: Congress to contest on 24 seats, NCP on 20 seats, Bahujan Vikas Aghadi on 1 seat, Swabhimani Shetkari Sanghatana on 2 seats, Yuva Swabhimani Paksha on 1 seat. pic.twitter.com/nCwkWfo6Bp

— ANI (@ANI) March 23, 2019

چوہان نے کہا که کانگریس این سی پی گٹھ بندھن میں دو دیگر پارٹیاں اور ایک آزاد امیدوار بھی جڑ گئے ہیں۔ انہوں نے کہا که سوابھمانی شیتکری سنگٹھن 2 سیٹوں پر چناؤ لڑیگی۔ جبکہ، بہوجن وکاس آگھاڑی ایک سیٹ پر چناؤ لڑیگی۔ وہیں، ایک سیٹ آزاد رکن اسمبلی روی رانا کی بیوی نونیت کور کو دی گئی ہے۔