ممبئی کے ایم ایل اے نے مسکان خان کو آئی فون اور سمارٹ واچ تحفے میں دیا

بنگلورو : کرناٹک کی کالج گرل مسکان خان جس نے حجاب کے سلسلے میں ہونے والے مظاہروں کے دوران "اللہ ہو اکبر” کے نعرے لگاتے ہوئے ہجوم کا سامنا کیا تھا ابھی تک مسلسل خبروں میں ہے۔

ممبئی کے باندرہ سے کانگریس ایم ایل اے ذیشان صدیقی جمعہ کو مہاراشٹر سے کرناٹک آئے اور منڈیا شہر میں مسکان کی رہائش گاہ پر گئے۔ ایم ایل اے نے مسکان کی "ہمت” اور بہادری کی تعریف کی، تعاون کا یقین دلایا اور ان کو ایک آئی فون اور سمارٹ واچ تحفے میں دی۔

"میں بہت دور سے اپنی کمیونٹی کی اس لڑکی سے ملنے آیا ہوں جس نے مثالی ہمت کا مظاہرہ کیا۔ میں اس کے دلیرانہ عمل پر خوش ہوں،‘‘

’’آج پورا کرناٹک، پورا ملک اس کے کام پر فخر کر رہا ہے۔ اس نے دکھایا کہ عورت کی اصل طاقت کیا ہے۔ اس کے بہادرانہ عمل کو دیکھنے کے بعد، دوسری خواتین جن پر دباؤ ڈالا جا رہا ہے، ہراساں کیا جا رہا ہے اور جس کے ساتھ ناانصافی ہوئی ہے، وہ بھی ایسی حرکتوں کا مقابلہ کر سکتی ہیں۔”

"حجاب پہننا آئینی حق ہے۔ کوئی بھی اپنی پسند کے کپڑے پہن سکتا ہے۔ آپ کو اس کے حجاب سے مسئلہ ہے یا اس حقیقت سے کہ وہ تعلیم حاصل کر رہی ہے،‘‘ کانگریس ایم ایل اے نے کہا۔

"مسکان کے حجاب پہننے کے حق کی حفاظت کے لیے کروڑوں بھائی ہیں۔ میں نے اس کے خاندان سے ملنے کے بعد خوشی محسوس کی،‘‘

اس دوران مختلف مسلم تنظیموں نے مسکان کی بہادری پر حوصلہ افزائی کرتے ہوئے نقد انعام کا اعلان کیا ہے۔

اپنی رائے یہاں لکھیں