ممبئی:مہاراشٹر میں فلور ٹیسٹ کرانے کے ہنگامے کے درمیان شیوسینا سپریم کورٹ پہنچ گئی ہے۔ چیف منسٹر ادھو ٹھاکرے کو اکثریت ثابت کرنے کے گورنر کے حکم کو سپریم کورٹ میں چیلنج کیا گیا ہے۔
شیوسینا نے فلور ٹیسٹ کے خلاف عرضی پر فوری سماعت کا مطالبہ کیا ہے۔ ابھیشیک منو سنگھوی نے سپریم کورٹ میں جسٹس سوریہ کانت اور جسٹس جے بی پارڈی والا کی بنچ کے سامنے اس عرضی کا ذکر کیا ہے۔ سپریم کورٹ نے اس پر شام 5 بجے سماعت کرنے کو کہا ہے۔