دہلی تشدد میں ہلاک ہونے والے افراد کے اہل خانہ کے حق میں دو دو لاکھ روپے معاوضے کا اعلان کیا گیا ہے۔ نیز زخمیوں کو 50-50 ہزار روپے دینے کا بھی اعلان کیا گیا ہے۔ ذرائع ابلاغ نے ایک سینئر افسر کے حوالہ سے یہ اطلاع دی۔ میڈیا رپورٹوں کے مطابق اب تک 27 افراد کے ہلاک ہونے کی تصدیق ہو چکی ہے۔
Families of those killed in Delhi violence to get Rs 2 lakh, seriously injured Rs 50,000 as compensation: Senior official
— Press Trust of India (@PTI_News) February 26, 2020
عہدیدار نے بتایا کہ معاوضہ حکومت کی موجودہ اسکیم کا ایک حصہ ہے جو متاثرین کے اہل خانہ کو امدادی فنڈ سے اس طرح کے واقعات پر فراہم کیا جاتا ہے۔ انہوں نے بتایا، ’’مستحقین کی شناخت میڈیکو لیگل معاملے کی بنیاد پر کی جائے گی۔ ہم نے پہلے ہی اسپتال انتظامیہ سے بات کر لی ہے۔ امدادی رقوم مستحقین کے بینک کھاتوں میں منتقل کردی جائیں گی۔‘‘
خیال رہے کہ کیجریوال حکومت نے تشدد میں شہید پولیس اہلکار رتن لال کے اہل خانہ کو ایک کروڑ روپے بطور معاوضہ دینے کا اعلان کیا ہے۔ اس کے علاوہ کنبے کے ایک فرد کو نوکری بھی دی جائے گی۔ بدھ کے روز وزیر اعلیٰ اروند کیجریوال نے تشدد زدہ شمال مشرقی دہلی کا دوہ کر کے حالات کا جائزہ لیا تھا۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو