ہندوپاک کشیدگی اور مسئلہ کشمیر کو لے کر پوری دنیا میں مصالحت کی کوشش جاری ہے، اسی درمیان امیریکی صدر ٹرمپ نے بیان دیا ہے کہ وہ بہت جلد ہندوپاک کے وزرائے اعظم سے ملاقات کریں گے۔
آپ کو بتادیں کہ کہ ٹرمپ نے وہائٹ ہاوس سے صحافیوں سے بات کرتے ہوئے کہا کہ ہندوستان اور پاکستان کے درمیان کشیدگی کم ہوئی ہے، جبکہ انہوں نے کشمیر کا کوئی واضح طور پر ذکر نہیں کیا۔ واضح رہے کہ ٹرمپ 22 ستمبر کو مودی سے ملاقات کریں گے۔ دونوں لیڈر ہیوسٹن میں ہاؤڈی مودی پروگرام میں حصہ لیں گے۔ اس دوران پہلی بار کوئی امریکی صدر ہندوستانی کمیونٹی کو خطاب کرے گا۔ ٹرمپ نے یہ واضح نہیں کیا کہ وہ پاکستان کے وزیر اعظم عمران خان سے کب اور کس موقع پرملاقات کریں گے۔