جی ایس ٹی سے تجارت کو فائدہ پہنچا: سیتارمن
وزیر مالیات نرملا سیتارمن کا کہنا ہے کہ یہ جی ایس ٹی کا ہی نتیجہ ہے کہ ٹرانسپورٹیشن اور رسد سیکٹر میں مضبوطی حاصل ہوئی ہے۔ انسپکٹر راج ختم ہو گیا ہے۔ اس نے انتہائی چھوٹے، چھوٹے اور درمیانے صنعت (ایم ایس ایم ای) کو فائدہ پہنچایا ہے۔ جی ایس ٹی سے صارفین کو ایک لاکھ کروڑ روپے کا سالانہ فائدہ ملا ہے۔
اس بجٹ میں سب کے لیے ہے کچھ خاص: مرکزی وزیر مالیات
مرکزی وزیر مالیات نرملا سیتارمن نے بجٹ 2020 پیش کرتے ہوئے کہا ہے کہ یہ بجٹ عام لوگوں کا بجٹ ہے اور اس بجٹ میں سب کے لیے کچھ نہ کچھ خاص موجود ہے۔ بجٹ پیش کرنے سے پہلے تقریر کرتے ہوئے نرملا سیتارمن نے کہا کہ اس سال اپریل ماہ میں جی ایس ٹی کا آسان ورژن سامنے آئے گا جس سے لوگوں کی پریشانیاں کم ہو جائیں گی۔
مرکزی کابینہ نے بجٹ پر لگائی مہر، اب لوک سبھا میں ہوگا پیش
مرکزی کابینہ کی میٹنگ میں بجٹ 2020 کو منظوری مل گئی ہے۔ اب تھوڑی ہی دیر میں مرکزی وزیر مالیات نرملا سیتارمن اس بجٹ کو لوک سبھا میں پیش کریں گی۔ غریب اور متوسط طبقہ کی نظریں اس بجٹ پر مرکوز ہیں اور انھیں امید ہے کہ نرملا سیتارمن انھیں کوئی نہ کوئی سوغات ضرور دیں گی۔
Union Cabinet approves #Budget2020, Finance Minister Nirmala Sitharaman to present the budget in Lok Sabha shortly https://t.co/a7nujOT669
— ANI (@ANI) February 1, 2020
پی ایم مودی پہنچے پارلیمنٹ، تھوڑی دیر میں شروع ہوگی کابینہ میٹنگ
پی ایم مودی پارلیمنٹ پہنچ گئے ہیں، تھوڑی دیر میں مرکزی کابینہ کی میٹنگ شروع ہوگی، کابینہ میٹنگ میں بجٹ کو دی جائے گی منظوری، کابینہ کی منظوری ملنے کے بعد وزیر خزانہ نرملا سیتا رمن صبح 11 بجے ملک کا بجٹ پیش کریں گی۔
Delhi: Prime Minister Narendra Modi arrives at the Parliament, ahead of presentation of Union Budget 2020-21. #Budget2020 pic.twitter.com/0JhnBWCyMo
— ANI (@ANI) February 1, 2020
پارلیمنٹ میں لائی گئیں بجٹ کی کاپیاں
بجٹ پیش کرنے سے پہلے پارلیمنٹ میں بجٹ کی کاپیاں لائی گئی ہیں، 11 بجے لوک سبھا میں وزیر خزانہ نرملا سیتا رمن ملک کا بجٹ پیش کریں گی۔
#WATCH Delhi: Copies of #Budget2020 have been brought to the Parliament. Finance Minister Nirmala Sitharaman will present the Budget in Lok Sabha at 11 AM today. pic.twitter.com/z3gD0IkLO4
— ANI (@ANI) February 1, 2020
صدر جمہوریہ سے منظوری ملنے کے بعد نرملا سیتارمن پارلیمنٹ پہنچیں
بجٹ پیش کرنے سے متعلق صدر جمہوریہ کے ذریعہ منظوری ملنے کے بعد مرکزی وزیر مالیات نرملا سیتارمن پارلیمنٹ پہنچ گئی ہیں۔ وہ یہاں پہلے کابینہ میٹنگ میں شریک ہوں گی اور اس کے بعد پارلیمنٹ میں بجٹ پیش کریں گی۔
Delhi: Finance Minister Nirmala Sitharaman and MoS Finance Anurag Thakur arrive at the Parliament, to attend Cabinet meeting at 10:15 am. #Budget2020 pic.twitter.com/GgY2Govlv1
— ANI (@ANI) February 1, 2020
لال ’بہی کھاتہ‘ لے کر وزارت مالیات سے نکلیں نرملا سیتارمن
وزارت مالیات نرملا سیتارمن مرکزی بجٹ 21-2020 پیش کرنے سے پہلے ’بہی کھاتہ‘ کے ساتھ وزارت مالیات سے باہر نکلی ہیں۔ اب وزیر مالیات راشٹرپتی بھون جائیں گی اور اس کے بعد پارلیمنٹ پہنچیں گی۔
Delhi: Finance Minister Nirmala Sitharaman with 'Bahi-Khata' ahead of presentation of Union Budget 2020-21 pic.twitter.com/QyGTHmAhfh
— ANI (@ANI) February 1, 2020
نرملا سیتارمن آج 11 بجے پیش کریں گی بجٹ، ہر طبقہ لگائے بیٹھا ہے امید!
مرکزی وزیر مالیات نرملا سیتا رمن آج لوک سبھا میں 11 بجے 21-2020 کا عام بجٹ پیش کریں گی۔ بطور وزیر مالیات نرملا سیتارمن دوسرا عام بجٹ پیش کرنے جا رہی ہیں۔ بجٹ پر سبھی طبقہ کی نگاہیں مرکوز ہیں۔ بجٹ سے آٹو، رئیل اسٹیٹ سمیت دیگر سیکٹر کو کافی امیدیں ہیں۔ وہیں متوسط طبقہ ٹیکس کٹوتی کی امید میں بیٹھا ہے۔ ملک کے کسان، نوجوان اور خاتون طبقہ کو بھی اس بجٹ سے کافی امیدیں ہیں۔
قابل ذکر ہے کہ بجٹ ایسے وقت میں پیش ہونے جا رہا ہے جب ملک کی معیشت خستہ ہے۔ اس مالی سال میں معاشی شرح ترقی 5 فیصد رہنے کا اندازہ ہے۔ یہ شرح ترقی 11 سال میں سب سے کم تر ہوگی۔
Union Finance Minister Nirmala Sitharaman will present the Union budget 2020-21 in the Parliament today. (File Pic) pic.twitter.com/s6jXX3zuqS
— ANI (@ANI) February 1, 2020
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو