اہم خَبر: پہلے ٹی-20 کرکٹ میں نیوزی لینڈ نے ہندوستان کے سامنے رکھا 204 رن کا ہدف

by

کرکٹ: پہلے ٹی-20 میچ میں نیوزی لینڈ نے ہندوستان کے سامنے جیت کے لیے رکھا 204 رن کا نشانہ

پہلے ٹی-20 کرکٹ میچ میں میزبان نیوزی لینڈ کی ٹیم نے مہمان ہندوستان کے سامنے 204 رن کا ہدف رکھا ہے۔ نیوزی لینڈ کی جانب سے راس ٹیلر نے بہترین نصف سنچری مکمل کی اور وہ آخر تک آؤٹ نہیں ہوئے۔ اس سے قبل سلامی بلے باز مارٹن گپٹل نے 30 رن اور منرو نے شاندار 59 رن کی اننگ کھیلی۔ کپتان ولیمسن نے بھی شاندار 51 رن بنائے۔ ٹیلر نے 54 رن کی پاری کیھیلی۔ ہندوستان کی جانب سے جسپریت بمراہ کے علاوہ کسی نے بھی کفایتی گیندبازی نہیں کی۔ بمراہ نے اپنے 4 اوور میں 31 رن دیے اور ان کو ایک وکٹ حاصل ہوا۔ محمد شامی سب سے مہنگے ثابت ہوئے جنھیں کوئی وکٹ حاصل نہیں ہوا اور 4 اوور میں انھوں نے 53 رن خرچ کیے۔


اتر پردیش: گوتم بدھ نگر میں لڑکی کے ساتھ اجتماعی عصمت دری، زخمی حالت میں داخلِ اسپتال

اتر پردیش کے گوتم بدھ نگر میں ایک لڑکی کے ساتھ پانچ لوگوں نے اجتماعی عصمت دری کا واقعہ انجام دیا۔ نوئیڈا کے کیندریہ ودیالیہ سیکٹر 51 کے قریب یہ لڑکی زخمی حالت میں پائی گئی جس کے بعد اسے اسپتال میں داخل کرایا گیا۔ پولس کا کہنا ہے کہ لڑکی نے 3 ملزمین کا نام بتا دیا ہے اور جانچ شروع کر دی گئی ہے۔ فی الحال کسی کی گرفتاری عمل میں نہیں آئی ہے۔


کرکٹ: پہلے ٹی-20 مقابلے میں نیوزی لینڈ کے خلاف ہندوستان نے جیتا ٹاس

ہندوستان اور نیوزی لینڈ کے درمیان پانچ میچوں کی سیریز کا پہلا ٹی-20 میچ آکلینڈ کے ایڈن پارک اسٹیڈیم میں کھیلا جائے گا۔ ٹیم انڈیا کے کپتان وراٹ کوہلی نے ٹاس جیت کر پہلے گیندبازی کرنے کا فیصلہ لیا ہے۔ واضح رہے کہ ہندوستان اور نیوزی لینڈ کی ٹیمیں اس سے پہلے 11 بار آمنے سامنے آ چکی ہیں، جس میں سے نیوزی لینڈ نے 8 میچ اپنے نام کیے ہیں اور ہندوستانی ٹیم صرف تین میچ جیت پائی ہے۔ وہیں میچ کو دیکھنے کے لیے اور ٹیم انڈیا کا حوصلہ بڑھانے کے لیے شیدائی پہنچنے لگے ہیں۔

حیدر آباد: شہریت قانون کے خلاف مظاہرہ کے دوران ہنگامہ

حیدر آباد میں شہریت ترمیمی قانون اور این آر سی کے خلاف جمعرات کی شب زبردست احتجاجی مظاہرہ دیکھنے کو ملا۔ پولس کا کہنا ہے کہ مظاہرین کے پاس احتجاجی مظاہرہ کے لیے اجازت نہیں، لیکن وہ سب ایک جگہ جمع ہو گئے۔ پولس نے انھیں مظاہرہ سے روکا جس کے بعد موقع پر ایک ہنگامی حالت پیدا ہو گئی۔ مظاہرین نعرے بازی کرنے لگے جس کے بعد کچھ مظاہرین کو پولس نے حراست میں لے لیا۔ خبروں کے مطابق بعد میں انھیں چھوڑ دیا گیا۔

کانگریس لیڈر حسیب اپنے آبا و اجداد کی قبر پر جا کر زار و قطار روئے، مانگا شہریت کا ثبوت

اتر پردیش کے الٰہ آباد (پریاگ راج) میں کانگریس لیڈر حیسب احمد گزشتہ 21 جنوری کو اپنے آبا و اجداد کی قبر پر گئے۔ وہاں پہنچ کر وہ زار و قطار روئے اور ہندوستانی شہریت سے متعلق ثبوت ان سے مانگے۔ اس موقع کی تصویر اب سوشل میڈیا پر وائرل ہو رہی ہے۔ دراصل حسیب احمد شہریت ترمیمی قانون کی مخالفت کر رہے ہیں اور اسی کے پیش نظر وہ اپنے آبا و اجداد کی قبر پر گئے اور روتے ہوئے شہریت کے ثبوت مانگ کر ایک طرح سے اپنا احتجاج درج کیا۔

سی اے اے-این آر سی کے خلاف شرد پوار کا احتجاجی مظاہرہ آج

شہریت قانون-این آر سی کے خلاف ملک بھر میں احتجاجی مظاہرے کا دور جاری ہے۔ آج ممبئی میں این سی پی سربراہ شرد پوار احتجاجی مظاہرہ کرنے والے ہیں۔ واضح رہے کہ گزشتہ دنوں شرد پوار نے سابق مرکزی وزیر یشونت سنہا، کانگریس لیڈر پرتھوی راج چوہان اور ونچت بہوجن اگھاڑی کے لیڈر پرکاش امبیڈکر کے ساتھ گیٹ وے آف انڈیا پر اسٹیج شیئر کیا اور گاندھی شانتی یاترا کو روانہ کیا تھا۔ انھوں نے کہا تھا کہ شہریت قانون، این آرسی ملک کے سامنے موجود سنگین مسائل سے دھیان ہٹانے کی کوشش ہے۔ انھوں نے یہ بھی کہا کہ شہریت قانون ملک کی مذہبی و سماجی اتحاد اور خیر سگالی کو بگاڑے گا اور اسے نقصان پہنچائے گا۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading