اہم خَبر: ساورکر کو ’بھارت رتن‘ دینے کی کوشش کے خلاف کانگریس کا زبردست مظاہرہ

by

کرناٹک: ساورکر کو ’بھارت رتن‘ دینے کی کوشش کے خلاف کانگریس کا زبردست مظاہرہ


5 سال میں 5 ٹریلین ڈالر کی اکونومی ناممکن: منموہن سنگھ

مودی حکومت کے ذریعہ 5 سال میں 5 ٹریلین ڈالر اکونومی کا ہدف حاصل کرنے سے متعلق اپنا رد عمل ظاہر کرتے ہوئے سابق وزیر اعظم منموہن سنگھ نے کہا کہ ’’میں پہلے بھی کہہ چکا ہوں کہ 5 ٹریلین ڈالر کی اکونومی کے لیے 10 سے 12 فیصد شرح ترقی ہر سال چاہیے۔ لیکن اب ہر سال شرح ترقی کم ہو رہی ہے۔ آئی ایم ایف نے بھی کہا ہے کہ اس سال صرف 6.1 فیصد ترقی ہوگی۔‘‘


گوا: پانچ طالبات کے ساتھ چھیڑ چھاڑ کا ملزم اسکول ٹیچر گرفتار

گوا کی پونڈا پولس نے اس اسکول ٹیچر کو گرفتار کر لیا جس پر پانچ طالبات کو چھیڑنے کا الزام عائد کیا گیا ہے۔ میڈیا ذرائع کے مطابق جنوبی گوا کے کنڈائی علاقہ میں حکومت کے ماتحت ایک اسکول کے ٹیچر نے ان پانچ طلبا کے ساتھ چھیڑ چھاڑ کی تھی جو اب پولس کی گرفت میں ہے۔


پی ایم سی بینک کے اکاؤنٹ ہولڈرس کا وفد سابق وزیر اعظم منموہن سنگھ سے کرے گا ملاقات

پنجاب اور مہاراشٹر بینک کے 15 اکاؤنٹ ہولڈرس کا ایک نمائندہ وفد آج ممبئی میں سابق وزیر اعظم ڈاکٹر منموہن سنگھ سے ملاقات کرے گا۔ نمائندہ وفد ان سے اپنی پریشانیوں کے بارے میں بات کرے گا اور معاملے میں ان کی مداخلت کی گزارش کرے گا۔


الیکشن سے قبل شیو سینا کو زبردست جھٹکا، وشال دھناوڈے نے 300 کارکنان سمیت دیا استعفیٰ

مہاراشٹر اسمبلی الیکشن سے ٹھیک پہلے شیو سینا کو زبردست جھٹکا لگا ہے۔ باغی شیو سینا لیڈر وشا دھناوڈے نے کل پارٹی کے تقریباً 300 کارکنان کے ساتھ پارٹی سے استعفیٰ دے دیا۔ دھناوڈے ٹکٹ نہ ملنے سے ناراض تھے۔ وہ پونے کے قصبہ پیٹھ انتخابی حلقہ سے آزاد امیدوار کے طور پر انتخاب لڑ رہے ہیں۔


جموں و کشمیر: فاروق عبداللہ کی بہن ثریا اور بیٹی صفیہ کو ملی ضمانت

جموں و کشمیر سے دفعہ 370 ہٹائے جانے کے خلاف گزشتہ دنوں سابق وزیر اعلیٰ فاروق عبداللہ کی بہن ثریا اور بیٹی صفیہ نے ایک احتجاجی مظاہرے کی قیادت کی تھی جس کے بعد انھیں بی ایس ایف نے گرفتار کر عدالتی حراست میں بھیج دیا تھا۔ تازہ خبروں کے مطابق گزشتہ رات ان دونوں کو ضمانت پر رہائی مل گئی۔


کانگریس کے سینئر لیڈر دگ وجے سنگھ نے ’سنیاس‘ کی خواہش ظاہر کی

کانگریس کے سینئر لیڈر دگ وجے سنگھ نے اپنی سیاست کو لے کر ایک بڑا بیان دیا ہے۔ دگ وجے سنگھ نے کہا ہے کہ اب وہ وقت آ چکا ہے جب انھیں سبکدوش ہو جانا چاہیے۔ مدھیہ پردیش کے علی راج پور میں ایک جلسہ عام سے خطاب کرتے ہوئے دگ وجے سنگھ نے یہ بیان دیا۔ انھوں نے اپنے اس بیان میں کانگریس لیڈر کانتی لال بھوریا کا نام بھی لیا جو جھابوا اسمبلی سیٹ سے ضمنی انتخاب میں اترے ہیں۔ انھوں نے کہا کہ وہ بھی اس بار اپنا آخری الیکشن لڑ رہے ہیں۔


مغربی بنگال: حملہ کر کے بھاگ رہے شخص کی موب لنچنگ

مغربی بنگال کے جنوبی 24 پرگنہ ضلع میں بھانگور علاقے میں ایک شخص پر حملہ کر بھاگے شخص کی بھیڑ نے پیٹ پیٹ کر قتل کر دیا۔ پولس نے بدھ کو یہ جانکاری دی۔ پولس نے کہا کہ باقی اللہ مُلا نے منگل کی دیر شب بھانگور کے ستولیا بازار علاقے میں منیر الاسلام بسواس پر چاقو سے حملہ کیا جس میں منیرالاسلام سنگین طور پر زخمی ہو گیا۔ حملہ کر بھاگتے وقت بھیڑ نے باقی اللہ کو پکڑ لیا اور پیٹ پیٹ کر قتل کر دیا۔

سعودی عرب میں سڑک حادثہ، 35 بیرون ملکی ہلاک

سعودی عرب کے مغربی علاقے میں جمعرات کی علی الصبح ایک زبردست سڑک حادثہ ہوا جس میں کم از کم 35 لوگوں کی موت ہو گئی۔ حادثے میں کئی دیگر افراد زخمی بھی ہوئے ہیں۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں