اہم خبر: لگاتار بڑھ رہی پٹرول-ڈیزل کی قیمتیں، لیکن پی ایم اور ایف ایم خاموش… کانگریس

پٹرول-ڈیزل کی لگاتار بڑھتی قیمت پر کانگریس نے پی ایم مودی اور نرملا سیتارمن کو بنایا تنقید کا نشانہ

پٹرول اور ڈیزل کی قیمتوں میں لگاتار اضافہ ہو رہا ہے جس سے عام لوگ پریشان ہیں۔ اس لگاتار بڑھتی قیمتوں پر کانگریس نے مودی حکومت کو تنقید کا نشانہ بنایا ہے۔ اپنے آفیشیل ٹوئٹر ہینڈل سے کانگریس نے ٹوئٹ کیا ہے کہ تیل کی قیمتوں میں لگاتار 10ویں دن اضافہ ہوا ہے اور مرکزی حکومت کا اس طرف کوئی دھیان نہیں ہے۔ کانگریس نے مزید کہا کہ ’’وزیر اعظم اور مرکزی وزیر برائے مالیات کی طرف سے اس سلسلے میں ایک بھی لفظ نہیں بولا گیا ہے، حالانکہ تیل کی بڑھتی قیمتیں کاروباریوں اور عام آدمی کو متاثر کر رہی ہیں۔‘‘

بھگت سنگھ کے یوم پیدائش پر کانگریس کا خراج عقیدت

آج 28 ستمبر کو بھگت سنگھ کی پیدائش کا دن ہے۔ بھگت سنگھ 28 ستمبر 1907 کو پیدا ہوئے تھے جب کہ 23 مارچ 1931 کو وہ ہندوستان کی آزادی کے لیے شہید ہو گئے۔ اس موقع پر کانگریس نے ٹوئٹ کر انھیں خراج عقیدت پیش کیا ہے۔ کانگریس نے ٹوئٹ میں لکھا ہے کہ ’’اپنے حوصلے اور جذبے سے تحریک آزادی کا رخ بدلنے والے عظیم ہیرو ویر بھگت سنگھ جی کے جنم دن پر ملک کا سلام۔ آج بھگت سنگھ کے خوابوں کا ہندوستان بنانے کی ذمہ داری نوجوان طبقہ پر ہے، جسے بخوبی نبھانے کی ضرورت ہے۔‘‘

امریکہ میں ہند نژاد سکھ پولس افسر کا گولی مار کر قتل

امریکہ کے ٹیکساس میں ہند نژاد کے پہلے سکھ پولس افسر کا بے رحمی سے قتل کر دیا گیا۔ ملزم نے پولس افسر پر کئی راؤنڈ کی فائرنگ کی جس میں ان کی موت ہو گئی۔ مقامی پولس نے مہلوک سکھ پولس افسر کی پہچان سندیپ سنگھ دھالیوال کے شکل میں کی ہے۔ وہ گزشتہ 10 سال سے امریکی پولس سے وابستہ تھے۔

پاکستان کا زور دہشت گردی کے فروغ پر اور ہمارا زور ترقی پر: ہندوستان

وزارت برائے امور خارجہ کے سکریٹری اول ودیشا میترا نے اقوا متحدہ میں پاکستان کی دھجیاں اڑا کر رکھ دی ہیں۔ انھوں نے اقوا متحدہ میں جواب دینے کا حق استعمال کرتے ہوئے پاکستان میں موجود مسائل اور حکومت کی خامیوں کو سب پر عیاں رکھ دیا، اور ہندوستان میں ہو رہی ترقی کا ثبوت بھی پیش کیا۔ انھوں نے ایک بیان میں یہ بھی کہا کہ ’’دنیا کو پاکستان میں جا کر حالات دیکھنا چاہیے۔ پاکستان دہشت گردی کو فروغ دینے پر زور دے رہا ہے جب کہ ہم ترقی کی کوششوں میں لگے ہیں۔ پاکستان کو 1971 کے نیازی کا قتل عام نہیں بھولنا چاہیے۔‘‘

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-